@pachivazquez comeza o informe de xestión no #12C_PSdeG dando "grazas por tres anos de confianza" e sinalando que, hai tres anos non "marchou para a casa" en tempos de dificultades. Chama a non "seguir a estratexia da dereita", á que "só lle queda dicir que estamos mal.
En pouco máis dunha hora sairá desde a Praza Roxa de Santiago a manifestación da CIG contra a reforma laboral. A marcha, que comezará ás 12:30 horas, será un acto de protesta contra a lei recentemente convalidada no Congreso e que elimina, como cre a central nacionalista, un dereito consolidado hai décadas, como era o da negociación colectiva.
A Radio Galega adianta que o Celta-Dépor, #onosoderbi do 15 de abril, se xogará ás 12 da mañá a non ser que Antiviolencia diga o contrario.
A CIG reclama a memoria económica do acto de entrega dos premios extraordinarios de Bacharelato no que, "segundo as queixas trasladadas por varios empregados públicos, ao final do acto e dentro das propias dependencias administrativas, se serviu un catering de celebración". O sindicato pregúntase se esta práctica se corresponde coa "austeridade" na Xunta.
Ás 10:30 comeza o Congreso Nacional do PSdeG, que en Twitter xa se segue co hastag #12C_PSdeG. En Praza ofrecerémosvos a cobertura do cónclave ao longo de toda a fin de semana.
O ex director xeral de Tráfico, Pere Navarro, censura que a súa sucesora, María Seguí, dubide publicamente sobre as estatísticas de persoas falecidas en accidentes.
A maior parte das portadas da prensa de papel recollen hoxe a convocatoria de folga por parte de CC.OO. e UGT, que en Galicia se suma a da CIG. Mentres que diarios como El Punt Avui coidan que Rajoy "xa ten a folga que quería", xornais conservadores como La Razón aseguran que é unha "folga contra España"
O xornalista Daniel Salgado lembra en El País o asasinato de Amador Rey e Daniel Niebla, hai hoxe corenta anos. A Transición fóra de palacio
Segue a 'guerra de bandeiras' en Catalunya. O Concello de Arenys de Munt convocará un referendo entre os veciños para decidir se pendura ou non a enseña española na casa consistorial. En Vilaweb.
A política económica do Goberno central tamén se xoga nos medios. Rajoy rodearase o vindeiro luns de pequenos e medianos empresarios, buscando o contraste cun dos últimos grandes actos de Zapatero como presidente, rodeado dos propietarios das grandes compañías. Cóntao a Cadena SER.
