En Marea asegura que non apoiará un goberno no que estea Ciudadanos, ao que cualifican de "PP 3.0" e que defende a "continuidade das políticas do PP". Mantén a "man tendida" ao PSOE pero sinala que a oferta programática presentada polos socialistas é "bastante mellorable" pois non concreta "ningunha cuestión"
En Vigo, ao igual que na Coruña, unha concentración organizada pola Asociación Nós Mesmas protestou contra a LGTBIfobia e a agresión que se produciu esta semana en Compostela.
Tomás Fajardo seguirá como presidente da Federación Galega de Confrarías a pesar de non superar a moción de confianza votada este sábado. 62 votos pediron o seu cese e só 37 o apoiaron. Porén, ao votar só 99 das 126 persoas censadas, Fajardo alega que non se acadou a maioría cualificada que -entende- sería necesaria para esixir a súa marcha.
Unha concentración na Coruña protesta contra a agresión homófoba que esta semana sufriu unha parella en Compostela e denuncia a LGBTIfobia que continúa existindo na sociedade galega.
Tensión no pleno municipal de Noia ao fío da votación dunha moción de rexeitamento á Lei de Acuicultura. O público presente na sala, así coma PSdeG, Marea e BNG lembrárolles aos concelleiros do PP -que votaron a favor do texto- que esta semana rexeitaron no Parlamento galego a retirada da lei. Críticas tamén aos independentes de NOIA, que a semana que vén apoiarán unha moción de censura que lle dará o Goberno municipal ao PP
Marea Atlántica negociará os orzamentos municipais con todos os grupos, tras non acadarse un pacto co PSOE. O obxectivo é levar o proxecto de orzamentos ao pleno a comezos de marzo
O senador José García Buitrón e militantes dos círculos das cidades dirixirán Podemos Galicia ata a celebración de primarias, previstas para despois do verán. García Buitrón destaca que "viviamos nunha parálie e, se continuásemos así, tería efectos negativos nas autonómicas"
A Xunta propón situar a nova Cidade da Xustiza de Vigo no edificio do antigo Hospital Xeral. O Goberno en funcións debería ceder o edificio da Tesourería e o Concello decidir un cambio de usos da parcela. Caballero afirma que estudará a proposta "con atención"
Pablo Iglesias busca retomar a iniciativa cunha contraoferta de negociación a Pedro Sánchez. Ao longo da fin de semana Podemos presentará un documento que avanza na súa proposta de Goberno de coalición de esquerdas
Unha concentración, organizada por máis dunha ducia de entidades (PAH, CNT, ODS-Coia...) protestou en Vigo contra as detencións dos titiriteiros, pediu a retirada dos cargos e alertou sobre a persecución que están a vivir os colectivos e movementos sociais que promoven unha alternativa ao sistema
