Portugal agarda con expectación a comparecencia do seu primeiro ministro, Pedro Passos Coelho, que recibiu o apoio do presidente da República despois de que o Tribunal Constitucional ilegalizase parte dos seus recortes sociais. Cóntao o diario Público.
Fálase
A valoración do rei entre a cidadanía do Estado desplómase coincidindo coa decisión do Goberno de non incluír a opinión sobre a Monarquía nas enquisas do CIS. Sinálao El País ao analizar o inquérito de Metroscopia que si pregunta polo monarca.
Asociacións antiabortistas vólvenlle esixir ao PP este domingo que cumpra a súa promesa de derrogar a actual regulamentación legal da interrupción voluntaria do embarazo. "A paciencia estásenos esgotando", ameazan nunha entrevista en La Información.
A empresa Celeste-Tel fai pública unha enquisa electoral que conclúe que, nunhas eleccións xerais, o PP baixaría notablemente, o BNG perdería un escano e Anova entraría no Congreso.
A CNMV considera insuficiente a información contable que lle remitiu Pescanova e dálle cinco días para completala. Senón, a multinacional será sancionada. Cóntao Galiciae.
PP e PSOE xa non sumarían nin o 50% dos votos nunhas eleccións xerais, segundo unha enquisa que hoxe publica El País. O inquérito ofrece tamén datos de IU e UPyD, que experimentarían fortes subas.
Unha das primeiras páxinas máis impactantes dos diarios impresos do domingo é a de El Periódico de Catalunya, que abre co titular 'España imputada' e analiza os casos de corrupción que afectan ás diferentes institucións do Estado. El Mundo dálle o titular de apertura a unha entrevista co presidente da Xunta e ao 'escrache' na casa do deputado do PP de Ourense Celso Delgado.
O Deportivo aférrase á loita pola permanencia na Primeira División tras vencer 3-2 ante o Zaragoza en Riazor. Os de Fernando Vázquez quedan a un punto da salvación.
O Club Deportivo Lugo acada un valioso empate sen goles no campo do líder da Segunda División, o Elxe
#PMM13 Ás 22:00 comeza no Pazo da Ópera da Coruña a gala de entrega dos Premios Mestre Mateo. En Praza ofrecerémosvos a toda a información sobre os filmes e profesionais gañadores da festa do audiovisual galego.