Unha das primeiras páxinas máis impactantes dos diarios impresos do domingo é a de El Periódico de Catalunya, que abre co titular 'España imputada' e analiza os casos de corrupción que afectan ás diferentes institucións do Estado. El Mundo dálle o titular de apertura a unha entrevista co presidente da Xunta e ao 'escrache' na casa do deputado do PP de Ourense Celso Delgado.
O Deportivo aférrase á loita pola permanencia na Primeira División tras vencer 3-2 ante o Zaragoza en Riazor. Os de Fernando Vázquez quedan a un punto da salvación.
O Club Deportivo Lugo acada un valioso empate sen goles no campo do líder da Segunda División, o Elxe
#PMM13 Ás 22:00 comeza no Pazo da Ópera da Coruña a gala de entrega dos Premios Mestre Mateo. En Praza ofrecerémosvos a toda a información sobre os filmes e profesionais gañadores da festa do audiovisual galego.
Esta tarde a policía blindou a residencia oficial de Monte Pío pola convocatoria, a través das redes sociais, dun 'escrache' ao presidente da Xunta. Ninguén acudiu á protesta.
O colectivo Novo Socialismo Galego vén de situar a Ivan Puentes como portavoz nacional do colectivo. Propóñeno como "cabeza visible do proxecto político para pilotar o cambio" no PSdeG
Este sábado desenvolveuse en Lugo unha nova protesta en condena da violencia machista e en solidariedade coa última vítima, unha veciña da cidade. Baixo lemas como O machismo mata, non sexas cómplice', a protesta estivo convocada por organizacións feministas e veciñais e apoiadas por representantes de todos os grupos políticos do Concello lugués. Cóntao El Progreso.
Ás 19:00 comeza en Madrid un acto de lembranza e homenaxe a José Couso, o cámara galego asasinado por soldados estadounidenses en Iraq hai dez anos. #10anosconCouso #10añosconCouso
O escritor Agustín Fernández Paz foi nomeado este sábado socio de honra de Nova Escola Galega. A laudatio ao homenaxeado realizouna Manuel Bragado. (foto: @_mardybum)
O PSdeG de Ferrol organiza unha "semana da república" con actos entre o 8 e o 14 de abril. Inclúen unha conferencia do fiscal superior de Galicia, Carlos Varela, e un cine fórum sobre As mulleres na República
