Expertos cren que a economía galega seguirá estancada en 2015. Os economistas consideran que o consumo seguirá sen repuntar neste exercicio, que confirman o crecemento menor de Galicia con respecto ao Estado.
Fálase
Podemos, PSOE, PP e Ciudadanos poderían gañar as vindeiras eleccións xerais, segundo unha enquisa de Metroscopia para El País. Os catro partidos abranguerían ata o 80% dos votos.
O Lugo remonta e vence o Barcelona B (3-2) no Anxo Carro. Un gol do burelao Luís Fernández deulle a vitoria aos galegos a dous minutos do final.
O Deportivo cae en Riazor ante o Sevilla (3-4) e segue en zona de perigo. Os goles de Oriol Riera (2) e Lucas Pérez non foron dabondo para puntuar nun encontro con moitas ocasións.
A Marea Atlántica destaca o "éxito de participación" nas primarias que arrancaron hoxe para elixir a candidatura de unidade que se presentará ás eleccións locais na Coruña. O prazo de votación remata mañá domingo á tarde.
Galicia, subcampioa mundial de fútbol gaélico. O equipo masculino caeu na final ante Arxentina (1-4 /0-4) e completa unha excelente participación na súa estrea como selección oficial. O equipo feminino caeu na segunda rolda ante Oriente Medio. Toda a información, esta mañá en Praza.
A Marea Atlántica celebra esta fin de semana as súas primarias. Os participantes poderán elixir doce nomes de entre calquera das cinco listas presentadas para completar a candidatura unitaria á alcaldía da Coruña.
Galicia disputará a final do Mundial de fútbol gaélico ante Arxentina. O equipo masculino venceu na semifinal a Suráfrica e loitará polo campionato na estrea dunha selección galega oficial nun torneo internacional. O combinado feminino caeu ante Oriente Medio. #gaaworldgames
Rajoy elixe a Cifuentes para a Comunidad de Madrid e a Aguirre para o Concello e deixa caer a Ignacio González, que atribúe a decisión a unha "campaña orquestrada".
De Lara imputa vinte persoas en Ourense pola retirada de multas do guindastre. O ex alcalde Francisco Rodríguez, ex concelleiros, funcionarios e policías locais figuran entre os citados a declarar.