Unha masiva marcha ciclista no Morrazo lembrou a Cristóbal Hermida Freire, presidente do Club de Ciclismo de Bueu que faleceu atropelado por un camión o pasado 3 de xaneiro na autovía de Marín, e reclamou que os condutores respecten a distancia legal do metro e medio á hora de adiantar os ciclistas. Na marcha participaron Óscar Pereiro, Marcos Serrano, Ezequiel Mosquera ou Álvaro Pino.
As dificultades para vender Novagalicia Banco ameazan o déficit do Estado. O atraso na poxa de NGB e Catalunya Banc pode obrigar a España a computar déficit, segundo conta La Información.
Case sete de cada dez cataláns están a favor de que se celebre en 2014 unha consulta de autodeterminación segundo unha sondaxe que hoxe publica El Periódico.
A esquerda alemá derrota a Merkel nas eleccións de Baixa Saxonia. Socialdemócratas e verdes vencen por un escano a democristiáns e liberais
O exdiputado do PP Jorge Trías Sagnier admite nun artigo en El Pais os sobresoldos e que había unha contabilidade B
Os estudantes que dende o pasado xoves levan a cabo un peche na Facultade de Historia da USC veñen de facer público un manifesto no que denuncian a situacion da Universidade de Santiago, "menos democrática, máis elitista e con menos autonomia e peores servizos"
En fútbol sala, o Santiago Futsal venceu 2-1 ao Gáldar, o Burela empatou en Puertollano 1-1 e o Azkar Lugo foi goleado 1-7 por El Pozo
Na Terceira galega o Rácing de Ferrol e o Celta B gañaron os seus partidos e encabezan a clasificación por diante de Compostela, Depor B e Pontevedra
Deportivo B 2-0 Barbadás
Dorneda 2-0 Compostela
Racing Vilalbés 2-0 Céltiga
Betanzos 0-1 Bergantiños
Cerceda 2-0 Narón
Vilalonga 1-1 Ordes
Alondras 0-1 Pontevedra
Somozas 2-0 Negreira
Rápido de Bouzas 1-4 Celta B
Racing de Ferrol 2-1 As Pontes
Na Segunda División de fútbol o Lugo caeu derrotado claramente 3-0 ante o Hércules pero mantense nunha cómoda posición na metade da táboa. Na Segunda B houbo vitoria do Ourense 1-0 ante o Guijuelo, mentres que o Coruxo empatou ante o Salamanca a domicilio 2-2.
Na Adecco Ouro o Ourense sumou un importante triunfo 81-73 ante o Cáceres. Pola contra, Breogán e Leyma Coruña perderon os seus partidos ante o Andorra 66-77 e o Palencia 63-69, respectivamente.