O primeiro ministro do Xapón, Shinzo Abe, visitou este domingo Compostela no marco da súa xira de nove días por Europa. Feijóo e Rajoy, este último coa súa dona na comitiva oficial, acompañárono por diferentes enclaves turísticos da capital, como as cubertas da catedral ou o Hostal dos Reis Católicos.
Gerry Adams, en liberdade sen cargos. O líder do Sinn Féin estivo detido e a ser interrogado durante catro días. Cóntao o Irish Times.
A Audiencia Nacional xulga o xoves a Marcial Dorado, o narco fotografado con Feijóo na etapa do actual presidente como secretario xeral do Sergas. A Fiscalía Antidroga pide 21 anos de cárcere para el.
Unha enquisa de Demoscopia dálle ao PP unha lixeira vantaxe sobre o PSOE nas eleccións europeas. Ambos partidos perderían cinco escanos. A coalición na que se integra AGE obtería 7 escanos e a do BNG, un.
Carme Vidal gaña o premio da AELG á mellor xornalista cultural. Os galardóns da Asociación de Escritoras e Escritores en Lingua Galega distinguiron tamén a, entre outros, Berta Dávila, Ramón Nicolás ou Rebeca Baceiredo
CD Lugo e Deportivo da Coruña empataron a dous goles no derbi deste sábado, nun estadio Anxo Carro que quedou pequeno para ambas afeccións.
O PP gañaría as eleccións europeas en Galicia cunha abstención próxima ao 60%, segundo unha enquisa que hoxe publica La Voz. O PSdeG sería a segunda forza, seguida de AGE e do BNG.
Praza Pública participa este sábado na Feira da Primavera do barrio compostelán de San Pedro. Dende as 10:30 e ao longo de todo o día teremos instalado un posto na feira con material do xornal. Dende alí trazaremos un retrato do tecido asociativo que participa na xornada, a cal centrará hoxe a nosa atención informativa.
O presidente do PNV, Andoni Ortúzar, acude ás 20:00 deste serán ao Hostal dos Reis Católicos de Compostela para apoiar a Compromiso por Galicia cara ás eleccións europeas. No acto intervirán o candidato de CxG, Paulo Carlos López, e o secretario xeral do partido, Xoán Bascuas.
A Candidatura do Povo pide persoarse como parte prexudicada ou como acusación popular no caso Pokémon. "Desde hoxe, a noticia é que acedemos ao sumario e con nós como canal o pobo de Compostela poderá visualizar as entrañas da corrupción institucionalizada. Desde hoxe, teñen máis un motivo para estar preocupados e preocupadas", din.
