As concentracións, convocadas polo de agora na Coruña, Vigo, O Barco, Ferrol, Cangas e Cee, comezarán ao redor das oito e media. Os actos están organizados de forma individual por un grupo de persoas para denunciar "a agresión cometida por parte do Estado de Israel contra a poboación palestina". Os convocantes consideran "completamente desproporcionada a resposta aos ataques presuntamente perpretados por Hamás" e avogan "por unha resolución pacífica do conflito que inclúa o recoñecimento de Palestina como Estado de pleno dereito e a aplicación das debidas sancións a Israel en función das múltiples resolucións internacionais que nestes días está incumprindo".
Ao longo desta fin de semana tanto o BNG coma Anova e Esquerda Unida criticaron con dureza estas agresións e chamaron a participar nas concentracións convocadas para este luns.
Concentracións convocadas:
A Coruña: 20:30h. Obelisco
Vigo: 20:30, Farol de Príncipe
O Barco de Valdeorras: 20:30. Fronte ao Concello
Ferrol: 20:30. Fronte ao edificio administrativo da Xunta
Cangas: 20:00h. Fronte ao Concello
Cee: 20:30h. Praza 8 de Marzo
