Ás oito e media desta mañá produciuse en Vigo a primeira detención relacionada cos incendios que arrasaron Galicia o pasado domingo, co resultado de catro persoas mortas e miles de hectáreas calcinadas. Ao detido acúsano de provocar un incendio nunha leira familiar na localidade dos Blancos, en Ourense, e afectou a unha hectárea de terreo.

Segundo fontes da investigación consultadas por eldiario.es, o incendio realizouse de forma incontrolada en metade dunha zona arborizada e a escasos 300 metros dunha zona habitada. O detido é un funcionario de Vigo que se amosou violento cos axentes da Garda Civil á súa chegada ao cuartel.

Ao acusado, detido este mércores en Vigo, atribúeselle un incendio iniciado nunha leira propiedade da súa familia nos Blancos

Trátase da primeira detención relacionada co que o Goberno galego relacionou cunha trama de "terroristas" incendiarios. No caso desta detención, a acusación céntrase sobre un individuo que operaría na súa propia leira con desatención ao risco que isto supuña.

O presidente da Xunta, Alberto Núñez Feijóo, advirte da existencia dunha trama terrorista como causante dos incendios dos últimos días. Na súa mensaxe institucional con motivo dos incendios, o xefe do executivo galego advertía: "os responsables deste terrorismo incendiario deben saber que as forzas e corpos de seguridade do estado teñen como prioridade buscalos e traballar para detelos".

A detención producida este mércores en Vigo súmase ás decenas que se producen anualmente. Máis do 90 % das mesmas están relacionadas con imprudencias e non cunha intención incendiaria demostrada.