Os equipos de normalización pídenlles aos pais que escollan o galego no ensino infantil

Un aula de ensino infantil Dominio Público Praza Pública

Xunto á documentación para formalizar a matrícula  na etapa de Educación Infantil, a Consellería de Educación e Ordenación Universitaria envía unha enquisa  na cal se pregunta pola lingua materna do neno ou da nena. As dúas opcións que se ofrecen son castelán ou galego. O resultado da devandita enquisa establece  a lingua que se vai empregar na aula durante os tres cursos da etapa de Educación Infantil.

Coordinadora Galega de Equipos de Normalización e Dinamización Lingüística recoméndalles aos pais que escollan a opción de galego por varios motivos:

  • Porque necesitan competencia nas dúas linguas para poderen no futuro decidir cal queren usar.
  • Porque é un momento decisivo na súa aprendizaxe e deben saber que o galego é tamén unha das linguas da escola.
  • Porque mellorarán a competencia en castelán e noutras linguas.
  • Porque chegarán con mellor preparación ao ensino primario.
  • Porque poñerán en valor o que lles pertence como galegas e galegos.
  • Porque renunciar a que o galego forme parte do ensino infantil,  supón  perder a oportunidade de ir integrándoo de xeito natural e sen ningunha dificultade
Un aula de ensino infantil Dominio Público Praza Pública

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.