O Seminario Galego de Educación para a Paz decidiu entregarlle a Stop Desahucios o Premio Portapaz, co que todos os ano recoñece o labor dunha persoa o colectivo que destacara pola sá defensa dos valores cívicos e democráticos, a convivencia pacífica, o diálogo intercultural, os dereitos humanos e a Cultura da Paz. O SGEP destaca a súa "firmeza na defensa nonviolenta dun dereito humano como é o da vivenda digna fronte da voracidade ilimitada dos bancos que actúan como auténticos depredadores da xente do común coa complicidade dos gobernos e das institucións".
O galardón entregarase o vindeiro 30 de Xaneiro, Día Escolar pola Paz, nun acto que se celebrará no Museo Pedagóxico de Galicia (MUPEGA). En edicións anteriores foron recoñecidos Manuel Rivas, Gervasio Sánchez, a Plataforma do 0.7, Baltasar Garzón, Federico Mayor Zaragoza, Paul Ríos, Karen Marón, Carmen Sarmiento, Ovarias, Amnistía Internacional, Manuela Mesa, José Couso, ou a Plataforma pola Memoria Histórica de A Coruña, entre outras.
