"Este concerto dedícollo á señora Xustiza polas vacacións que, semella, está a tomarse". Así comeza o vídeo de Anonymus, pendurado na web oficial do PP do concello lucense de Foz. Segundo algúns lectores de Praza, foi a tarde do sábado cando se produciu o ciberataque, que permanece activo.
"Detestados corruptos. Plutócratas de demais vividores a costa do pobo. Somos Anonymus. España camiña cara os seis millóns de parados. Baixo esta pseudodemocracia que naceu enferma, tédesvos fusionado como un só aparato que aparenta normalidade social e división de poderes". O vídeo, que se reproduce automaticamente ao entrar no enlace do PP de Foz, dura case catro minutos.
