Espazo Ecosocialista Galego celebrou este sábado en Bertamiráns (Ames) as súas 1ª Xornadas de Formación. No marco da mesma celebrouse a Coordinadora Nacional, que fixo un balance do plano de traballo do 2013 e marcou as liñas para os próximos meses. O informe de xestión e as liñas de traballo foron aprobadas por unanimidades (36 votos a favor, 0 en contra e 0 abstencións).

A formación chamou a "seguir construíndo amplas alianzas democráticas e de esquerdas tomando como punto de partida a coalición AGE"

A formación chamou a "seguir construíndo amplas alianzas democráticas e de esquerdas tomando como punto de partida a coalición AGE que necesariamente ten que construírse sobre a participación da cidadanía e non exclusivamente sobre os membros das forzas que a compoñen". Para iso aprobáronse catro accións: Concretar espazos de participación cidadá en AGE afondar a proposta programática e propositiva de AGE atopar unha formula cara as Eleccións Europeas non incompatible con AGE e preparar as eleccións municipais "como peche de ciclo político de ruptura iniciado no 15M  e sobre a base da radicalidade democrática e a participación da cidadanía na confección de listas e programas".

A xornada da tarde contou con catro ponencias arredor de catro eixes temáticos: Radicalidade Democrática (a cargo de Manuel Martínez Barreiro), Políticas Sociais (a cargo de Pepa Vázquez do Colectivo Encontro), Sustentabilidade (a cargo de Xan Duro) e Violencia de xénero (a cargo de Gloria Vázquez do Colectivo Ve-la Luz ). Entre as conclusión destas xornadas aprobouse que Espazo Ecosocialista impulsara a recollida de sinaturas en apoio á iniciativa cidadán europea (ICE) por unha renda básica incondicional.

Espazo Ecosocialista celebrará a súa conferencia política (outubro) e a súa II Asemblea Nacional entre febreiro e marzo

Espazo Ecosocialista celebrará a súa conferencia política en outubro e a súa II Asemblea Nacional entre febreiro e marzo. Marcouse como obxectivos "favorecer as alianzas desde a pluralidade sen exclusións", "manter o traballo propositivo" e manter o proceso de crecemento afiliativo de xeito aberto e á carta, poñendo o énfase na extensión local.