O BNG de Silleda denuncia a existencia dunha situación de "bicefalia institucional" no Concello. A anterior alcaldesa, Paula Fernández, que deixou o seu cargo en xuño para converterse en senadora, cumprindo a norma de unha persoa, un cargo. Foi substituída por Manuel Cuíña. Os nacionalistas critican, no entanto, que a anterior alcaldesa segue realizando labores de rexedora "no propio despacho e entre o persoal municipal".
O Bloque pídelle ao goberno municipal "que aclare quen está a levar a batuta do Concello" e demanda "que se esclareza esta interinidade que nin é boa para a institución, nin para os silledenses". Os nacionalistas agardan "que isto sexa só un erro competencial froito da falta de hábito de non sentarse na poltrona e que nos vindeiros días se corrixa a situación", pois de seguir así, din, "demostrarase que se confunde o Concello coa oficina da agrupación local do PSOE".
