A deputada do PSdeG-PSOE Beatriz Sestayo rexistrou este martes no Parlamento unha serie de iniciativas co obxectivo de "dinamizar o Plan Ferrol". A parlamentaria esíxelle á Xunta que "escoite a voz dos implicados na dinamización da economía e do emprego dunha comarca que ten chegado ao 32% de desemprego". "Non se pode ser prepotente mentres Ferrol esmorece na desesperanza”, afirma Sestayo.
Entre as iniciativas figura por exemplo "que o Goberno do PP elimine a esixencia de avais ás empresas, unha durísima condición que os socialistas retiraran e que o Partido Popular decidiu imponer de novo". “Resulta absurdo que cando a principal dificultade para a creación de empresas e o desenvolvemento de novos proxectos é a falta de concesión de créditos, as administracións populares impoñan a esixencia de avais bancarios que difícilmente poderán conquerir”, subliña.
Sestayo criticou tamén "a deixadez" da Xunta, e ve como “outro síntoma da súa absoluta despreocupación” o feito de que o Plan Ferrol leve seis meses sen director, nomeadamente dende que cesou o anterior. "Unha vez máis, a hipocresía do PP aparece: mentres co discurso falan de mantemento do Plan, na práctica obstaculizan a súa viabilidade", asegura.
