Díaz subliñou que "Feijóo é experto en mentir" e engadiu que "eu sei que aquí xa o sabiades. É unha mágoa que as novas cheguen tan tarde a Madrid, pero aquí os galegos e galegas sabiamos o que ía facer"
Sumar ofreceu este venres en Vigo o seu segundo gran mitin galego da campaña, despois do acto de apertura que tivo lugar na Coruña. O encontro, de novo coa presenza de Yolanda Díaz e dos candidatos e candidatas polas circunscricións galegas, celebrouse no pavillón das Travesas e estivo introducido pola actriz María Vázquez.
No acto, Yolanda Díaz endureceu o ton contra Alberto Núñez Feijóo recollendo o impacto que tivo a intervención do candidato do PP no debate televisado do pasado luns, no que o ex-presidente da Xunta incluíu datos inexactos, erróneos e, directamente, falsidades, no seu discurso. A líder de Sumar subliñou que "Feijóo é experto en mentir" e engadiu que "eu sei que aquí xa o sabiades. É unha mágoa que as novas cheguen tan tarde a Madrid, pero aquí os galegos e galegas sabiamos o que ía facer".
Díaz amosouse confiada en que a vitoria da esquerda é posible se hai unha mobilización do voto progresista: "Crede nas posibilidades do noso país, crede en vos. Se as xentes progresistas se mobilizan, imos gañar nós!"
En todo caso, Díaz amosouse confiada en que a vitoria da esquerda é posible se o 23 de xullo hai unha mobilización importante do voto progresista: "Crede nas posibilidades do noso país, crede en vós. Se as xentes progresistas se mobilizan, imos gañar nós!".
"A esperanza chámase Sumar. Arreade para gañar, o país é voso, está nas vosas mans. Votade, votade e votade!", rematou a líder da formación.
"Este 23X hai que posicionarse. Por que non posicionarse é posicionarse do lado dos que odian, dos que censuran, dos que insultan, dos que negan o machismo, o cambio climático, dos que nos negan a Cultura", dixo María Vázquez.
Un chamamento á mobilización no que incidiu a actriz María Vázquez para evitar un goberno de dereitas despois do 23 de xullo: "Este 23X hai que posicionarse. Por que non posicionarse é posicionarse do lado dos que odian, dos que censuran, dos que insultan, dos que negan o machismo, o cambio climático, dos que nos negan a Cultura".
No acto, Sumar pediu o voto do "Vigo obreiro" e houbo varias mensaxes de apoio e solidariedade aos traballadores do sector do metal en folga, tanto por parte de Yolanda Díaz, coma do resto de candidatos e candidatas. "Pido o voto aos traballadores e traballadoras de Vigo, que saíades a votar con alegría porque imos seguir gañando dereitos. Pido a solidariedade cos traballadores do metal que están en folga", sinalou Díaz.
No acto houbo varias mensaxes de apoio e solidariedade aos traballadores do sector do metal en folga e aos traballadores dos servizos de extinción de incendios en folga
E, de igual xeito, a número un por Pontevedra, Verónica M. Barbero, ofreceu "todo o meu apoio aos traballadores do metal da provincia de Pontevedra" e díxolles que "imos conseguir un convenio xusto". Barbero, ex-directora xeral de Traballo no Ministerio e ex-presidenta do Consello Galego de Relacións Laborais, ofreceuse a mediar na folga nos días previos ao inicio da campaña electoral.
Nas intervencións dos distintos candidatos e candidatas houbo tamén mencións de solidariedade "para os traballadores dos servizos de extinción de incendios en folga".
Sumar fixo un chamamento a seguir avanzando na conquista de dereitos, apostando pola inclusión dos servizos de fisioterapia, óptica e nutrición na sanidade pública ou pola redución da xornada laboral sen redución de salario
No acto, Sumar reinvindicou os avances sociais levados a cabo polo Goberno de coalición de PSOE e Unidas Podemos e fixo un chamamento a seguir avanzando en dereitos, apostando pola inclusión dos servizos de fisioterapia, óptica e nutrición na sanidade pública ou pola redución da xornada laboral sen redución de salario, medida que a formación leva no seu programa electoral.
"Imos reducir a xornada laboral sen reducción salarial. Xa chegou o tempo! Imos saír unha hora antes do noso traballo para poder estar coas nosas fillas", destacou neste senso Yolanda Díaz.
