Rematou a especulación. Acertou o ministro De Guindos en que a reforma ía ser "extremadamente dura". Baixo o paraugas da "estabilidade" e o "emprendemento", o Goberno reduce á mínima expresión os requisitos para prescindir de traballadores. Consúmase o abaratamento do despido con 33 días de indemnización e un máximo de 24 mensualidades.
A reforma laboral será "profunda", segundo o presidente Rajoy. O Consello de Ministros aprobará unha nova lei que, sen crecemento do PIB, non servirá para crear emprego neto. A economía española precisa crecer a un ritmo non inferior ao 2% anual para reducir a taxa de paro, mais os economistas prevén unha profunda recesión este ano do 1,5%
O deterioro do mercado laboral español, lonxe de afastarse, volve petar á porta. Malia á pasada reforma laboral, ao acordo de negociación colectiva ou á baixada da xa omnipresente prima de risco, xaneiro foi o peor mes de toda a serie histórica en destrución neta de emprego. O paro subiu en toda España en máis de 177.400 persoas. Ata 17 veces máis que no mesmo mes de, por exemplo, 1998