Este xoves déronse a coñecer os 57 finalistas que optan aos Premios Martín Códax da Música, que este ano celebran a súa terceira edición. Aparecen premiados e candidatos nas dúas edicións anteriores, como Crebinsky, Davide Salvado, Wöyza, Transilvanians, Xoel López ou Caxade. Son o resultado dunha peneira entre os 448 proxectos que presentaron a súa candidatura: 396 grupos, 16 salas, 22 festivais e 14 medios de comunicación inscritos.
A presidenta de Músicos ao Vivo (MAV), Iria Piñeiro, destacou “a implicación dos músicos galegos unha vez máis nesta edición", que "demostra o indiscutible potencial musical de Galicia, afianzando a MAV como a casa común d@s músic@s alega@s”. Piñeiro engadiu que “este terceiro certame pasará á memoria como a edición da normalización: o que parecía un fito histórico que viña facer xustiza e recoñecer o traballo de moitas carreiras musicais, pasou a formar parte da nosa realidade cotiá”.
Durante o acto presentáronse tamén as primeiras estatuíñas rematadas no obradoiro do escultor e músico, Víctor Lorenzo, que se entregarán aos premiados na gala que se celebrará o xoves 28 de abril no Pazo da Cultura de Pontevedra, e onde ademais dos 19 gañadores que sairán desta lista de finalistas, entregarase tamén o premio Honorífico Músicos Ao Vivo ao mestre e artesán Antón Corral. Este é o listado dos 57 grupos e artistas nomeados e nomeadas:
Pop e indie: Eladio y los Seres Queridos / Novedades Carminha / Silvia Penide
Rock: Agoraphobia / Foxy Freire / Martelo
Blues, funk & soul: Nastasia Zürcher/ Pablo Carrera / The Lakazans
Jazz e músicas improvisadas: Alberto Vilas Quartet/ Orquestra de Jazz de Galicia / Xan Campos ESD
Hip-Hop e músicas urbanas: Sokram / The Last Minute Experience / Wöyza
Música clásica e contemporánea: The Last Man of Fukushima/ Vertixe Sonora Ensemble / Zoar
Folque: Caxade / Cuarteto Caramuxo / Vaamonde, Lamas e Romero /
Música tradicional galega: Davide Salvado / O Fiadeiro / Xabier Díaz & Adufeiras de Salitre
Músicas do mundo: Crebinsky / Dous / Trilitrate
Canción de Autor: Guadi Galego / Uxía & Narf / Xoel López
Música infantil: A Gramola Gominola / Brinca Vai! / Xiqui Xoque Fiú Fiú!
Electrónica: 2Pasos / Cinta Adhesiva / Croma
Metal: Aphonnic / In.Verno / Mutant
Reggae, Ska & Mestizaxe: A Banda da Balbina / Dakidarría / Transilvanians
Orquestras, grupos e música de verbena: Claxxon / Orquestra Os Modernos / Os da Ría
Coros e Grupos Vocais: De Vacas / Sisters in the House / The Lollipops
Premio Organistrum Salas: A Arca da Noe / Aturuxo / Garufa Club
Premio Organistrum Festivais: Espazos Sonoros / Feito a Man / Nigranjazz
Premio Organistrum Espazos de Comunicación Musical: Abretedeorellas / GZMúsica / Tres Peixes Voando