A Asociación Cultural Autobán, co apoio do Concello da Coruña, vén de crear o I Premio Autobán ao mellor fanzine galego 2023-2024
A Asociación Cultural Autobán, co apoio do Concello da Coruña, vén de crear o I Premio Autobán ao mellor fanzine galego 2023-2024, un novo certame pioneiro no sector da autoedición no que poden participar todas as autoras, autores e colectivos que autoeditaron un cómic ou fanzine gráfico en lingua galega ou desde Galicia entre o 1 de xaneiro de 2023 e o 15 de maio de 2024.
O premio ten unha dotación económica de 1.250 euros e un trofeo personalizado pola artista Aisha Rey (gañadora da última edición do Combate de Debuxantes de Autobán). O prazo para a preinscrición en liña (ata un máximo de tres obras por participante) estenderase do 27 de maio ao 16 de xuño e poderá realizarse a través desta ligazón.
Autobán é o festival coruñés de cómic autoeditado, que naceu no ano 2014 e que se celebran todos os meses de agosto, coincidindo co Viñetas desde o Atlántico. É dun mercado de autoedición que ofrece a autores e autoras, colectivos e microeditoriais de toda a Península a oportunidade de amosar e vender o seu material
O tema, a técnica, o formato e o deseño do fanzine serán libres e a persoa gañadora do premio, seleccionada por un xurado especializado, darase a coñecer no mes de agosto durante un acto de entrega no marco da edición de verán 2024 do Festival Autobán. As bases do I Premio Autobán poden consultarse nesta ligazón.
Autobán é o festival coruñés de cómic autoeditado, que naceu hai xusto unha década, no ano 2014, e que dende entón se vén celebrando todos os meses de agosto, coincidindo co encontro internacional Viñetas desde o Atlántico. Trátase dun mercado de autoedición que ofrece a autores e autoras, colectivos, proxectos de autoedición e microeditoriais de toda a Península a oportunidade de amosar e vender o seu material. O Festival Autobán propón, tamén, combates de debuxantes, presentacións de proxectos, obradoiros, exposicións, música e gastronomía durante a súa celebración.
O pasado ano a iniciativa constituíuse como asociación cultural. O seu obxectivo é a promoción da banda deseñada e a ilustración, a autoedición e a autoxestión, así como tecer unha rede de apoio para as persoas que se dedican a estas disciplinas
O pasado ano a iniciativa constituíuse como asociación cultural. O seu obxectivo é a promoción da banda deseñada e a ilustración, a autoedición e a autoxestión, así como tecer unha rede de apoio para as persoas que se dedican a estas disciplinas. No seu labor inclúese a creación de eventos e actividades para a xestión de espazos nos que todos os e as amantes da autoedición sexan protagonistas.
A asociación promove tamén iniciativas como o Autobom, que se presenta como a edición de primavera do Autobán, coa vontade de ser un encontro entre a xente que se dedica e goza coa autoedición gráfica e a BD alternativa, con charlas, faladoiros, obradoiros e actividades diversas en torno ao mundo dos fanzines. De forma mensual, Autobán organiza, asimesmo, un Club de Debuxo con diferentes temáticas en espazos afines do sector.
