Dende o pasado 17 de maio pódense escoitar na rede as cancións que compoñen o álbum 'Ferro e Pedra: Homenaxe ós Precursores', un disco tributo no que dez bandas galegas actuais de rock e metal revisitan temas clásicos doutras tantas formacións do país
Dende o pasado 17 de maio pódense escoitar na rede as cancións que compoñen o álbum 'Ferro e Pedra: Homenaxe ós Precursores', un disco tributo no que dez bandas galegas actuais de rock e metal revisitan temas clásicos doutras tantas formacións do país, nunha homenaxe a grupos que marcaron unha época en varias localidades do país.
O disco só se pode escoitar de momento en Youtube, pero os seus impulsores están a preparar xa o seu desembarco noutras plataformas dixitais, que precederá á súa edición física, que se lanzará no futuro e que incluirá a portada deseñada por Trönner Graphics.
As bandas que participan no proxecto son Aquelarre, Amenaza de Muerte, Barbarian Prophecies, Dioivo, Mileth, Pneura, Schwarzenegger, Somos Nos, Xerión e Xhamain
As bandas que de momento participan no proxecto son Aquelarre, Amenaza de Muerte, Barbarian Prophecies, Dioivo, Mileth, Pneura, Schwarzenegger, Somos Nos, Xerión e Xhamain.
Estas formacións versionan temas de Desvirgheitors, Los Piratas, Mutant Squad, Épsilon, Nordés, Los Suaves, Consumatum Est, Mol, Detestor e Nowhere.
Entre as versións está "Unha de guerra", gravada polos vigueses Desvirgheitors en 1992 para formar parte do disco colectivo contra o servizo militar 'Deserción'
Entre as versións que forman parte do proxecto está "Unha de guerra", gravada polos vigueses Desvirgheitors en 1992 para formar parte do disco colectivo contra o servizo militar 'Deserción' e que no ano 1993 integrou o LP homónimo da mítica banda. Agora é Dioivo quen ofrece a súa actualización deste tema, relectura na que contan coa participación da baixista, fundadora e compositora de Desvirgheitors, Pili Dios.
Lista de temas
- Mileth - O Palismocas (Nordés)
- Aquelarre – Años 80 (Los Piratas)
- Amenaza de Muerte – Overdose (Mutant Squad)
- Barbarian Prophecies – Déixao (Épsilon)
- Dioivo – Unha de Guerra (Desvirgheitors)
- Pneura – Esta vida me va a matar (Los Suaves)
- Somos Nos – Mal can che fodera (Mol)
- Schwarzenegger – Josemari (Consumatum Est)
- Xerión – Necrofobia (Detestor)
- Xhamain – Endexamais (Nowhere)
