HistoriadeGalicia.gal iniciará esta semana unha serie de sete roteiros guiados que buscan afondar no comecemento da historia e do patrimonio galegos. As Rutas de Historia contan coa colaboración de entidades de defensa do patrimonio como Mariña Patrimonio, Patrimonio Galego, Sociedade Antropolóxica Galega (SAGA), Colectivo Capitán Gosende ou a Asociación de Amigos do Parque do Pasatempo, ademais de Abanca.
As andainas (inscrición aquí) terán lugar maioritariamente o sábado pola mañá, cunha duración aproximada de 4-5 horas. Son gratuítas e están dirixidas por expertos coñecedores da zona e membros de entidades culturais e patrimoniais. A primeira (guiada por Carlos Solla, investigador e impulsor do colectivo Capitán Gosende) terá lugar este domingo, partindo de Cerdedo para chegar ao Monte Seixo, a Montaña Máxica de Galicia, un lugar que deu lugar a numerosas lendas e que acolle un importante patrimonio material
A Serra do Barbanza, Ponte Maceira, o sistema defensivo construído en Vilanova da Cerveira (Portugal) e en Goián (Tomiño), a sauna castrexa do Castelón da Fonsagrada, O Camiño do Ribón (A Pobra de Trives) ou o Parque do Pasatempo (Betanzos) serán outros dos lugares polos que pasarán os roteiros deseñados.
Calendario dos roteiros
- 17 de setembro: O Monte Seixo, a Montaña Máxica de Galicia
- 23 de setembro: Polos dominios da Loba Branca: mámoas, petróglifos e castelos na Serra do Barbanza
- 30 de setembro: As loitas entre a nobreza e a Igrexa na Idade Media. As batallas de Ponte Maceira
- 7 de outubro: Cando Galicia e Portugal deixaron de quererse. As guerras do século XVII
- 14 de outubro: Na procura da gran sauna castrexa do Castelón da Fonsagrada
- 21 de outubro: Tralas pegadas de Excálibur e os primeiros reis
- 28 de outubro. Os irmáns Naveira e Juan Etcheberry, os homes que fixeron Betanzos