Unha ducia de atrancos para a Coroa española
O pasado xoves as máis altas institucións do Estado organizaron grandes fastos en Madrid para oficializar o recambio na Monarquía, con Felipe de Borbón, xa como Filipe VI, recollendo o testemuño do seu pai. Malia á festa, a Coroa española ten diante de si certos atrancos. Ademais dos evidentes, claro.
-
01Jaime Peñafiel
Ex redactor xefe da monárquica revista ¡Hola! Peñafiel é un dos cronistas da cousa real máis célebres. Caído en desgraza para a familia Borbón dende hai anos aborrece especialmente a nova raíña consorte. Disque "non lle gusta".
-
02Os pinchos morunos
Contan as crónicas cardíacas que o fillo de Elena de Borbón e Jaime de Marichalar tivo diversos desencontros cos seus curmáns, os da parte da familia que tivo que mudar o palacio real polo de Xustiza. Un deles estivo a piques de dirimirse cun destes saborosos e perigosos pinchos.
-
03Jiménez Losantos
O popular locutor e disque tamén xornalista, axitador antes das mañás radiofónicas da Cope e agora da súa propia emisora, ten na realeza un dos seus temas favoritos. Na xornada da coroación de Filipe VI despachouse a gusto.
-
04Os cuñados
O novo monarca español ten que ter un ollo posto nos seus cuñados. Aínda que o que inicialmente semellaba o cuñado malo ficou unicamente no cuñado hortera, mentres que o cuñado deportista resultou ser o cuñado -presuntamente- corrupto.
-
05O humor
Malia á sona de campechanía labrada con esforzo mediático durante décadas, as probas dinnos que a Casa Real española non leva moi ben o humor, alén dos chistes contados polos seus membros.
-
06Os elefantes
Estes animais non teñen bo recordo dos seus encontros borbónicos.
-
07
A gravidade
A lei newtoniana causoulle máis dun problema á Casa Real española en máis dunha ocasión. A última, no acto no que o rei Juan Carlos sancionou a súa abdicación.
-
08O froilanismo
Alén das retranqueirísimas proclamas froilanistas, o sobriño do rei e fillo da duquesa de Lugo -que agora é familia do rei pero non familia real- apunta maneiras para seguir sendo fonte de titulares e fotografías ben senlleiras, como ben demostrou durante os fastos dedicados ao seu tío.
-
09Os tribunais
A realeza española comeza a súa nova xeria con proclamas de "normalidade" mentres ten un ollo posto nos xulgados de Palma de Mallorca, onde o xuíz castro instrúe o caso que lle pode causar serios problemas ao cónxuxe de quen agora é irmá do xefe do Estado. E a ela mesma.
-
10A súa defensa
Mentres a Coroa celebraba os seus fastos algunhas das persoas que se opuñan a ela na mesma cidade non o pasaban tan ben como quen participaba no besamanos.
-
11A realidade
Mentres dende múltiples medios se tentaba facer ver que houbo multitudes seguindo a comitiva real, o certo é que houbo un seguimento tan real como discreto, se é comparado con outros acontecementos semellantes.
-
12Internet
Aos poucos minutos de rematar os actos oficiais a rede xa estaba inzada de memes a respecto da familia real, dos seus achegados e da Monarquía en xeral. Mentres, a casa dos Borbóns aínda se está iniciando neste eido, cunha conta de Twitter acabada de estrear e unha web que cae día si, día tamén.
