Unha ducia de postais antigas que amosan as rías pontevedresas como foron
O repositorio atoPo, da Deputación de Pontevedra, permite acceder a milleiros de documentos de todo tipo, procedentes de arquivos municipais e outras fontes, sumando neste momento máis de dez millóns de imaxes. Entre elas podemos atopar milleiros de postais promocionais de diferentes espazo da provincia, que amosan o estado destes lugares décadas atrás. Podemos ver, por exemplo, o estado que presentaban a mediados do século XX as paisaxes do litoral, que dende entón sufriron unha transformación moi importante.
-
01Vilagarcía de Arousa (1940)
Este é o aspecto que presentaba Vilagarcía de Arousa, nunha imaxe datada en 1940. Obsérvase con claridade a Estación de Tren, o porto e, ao fondo, Vilaxoán, Vilanova e a Illa de Arousa.
-
02Cangas (1950)
Tamén mudou moito Cangas, como se pode observar nesta imaxe que no repositorio é datada no ano 1950.
-
03Marín (1950)
Unha das vilas que experimentou unha maior transformación foi Marín. Nesta imaxe obsérvase a Banda do Río, hoxe case irrecoñecible.
-
04Bueu (1950)
Así era Bueu nunha postal datada en 1950
-
05Portonovo (1950)
Así era Portonovo en 1950: unha pequena vila mariñeira entre as praias de Baltar e Caneliñas.
-
06Sanxenxo (1940)
E o mesmo se pode dicir de Sanxenxo (e da praia de Silgar) nesta postal datada nos anos 40 do século pasado
-
07O Grove (1964)
Imaxe da Casa do Concello do Grove nunha postal publicada en 1964 por Fotocolor Valman, de Barcelona
-
08Illas Cíes (1964)
En 1964 xa chegaban barcos con turistas ás Illas Cíes, como se pode ver nesta postal da empresa zaragozana Arribas.
-
09Panxón (1960)
Ao sur de Vigo, tamén Panxón (Panjón, segundo esta postal de 1960 de Postales Fama) era unha tranquila vila mariñeira.
-
10Pontevedra (1956)
Se as vilas litorais mudaron, que dicir das cidades, como Pontevedra, como se pode ver nesta imaxe da Praza da Peregrina de 1956.
-
11Vigo (1950)
Durante toda a ditadura e ata o ano 1981 a rúa de Urzáiz chamábase oficialmente Calle de José Antonio. Este era o aspecto que presentaba en 1950
-
12Gran Vía de Vigo (1950)
Máis ou menos nese ano este era o aspecto da Gran Vía de Vigo.
-
13Praia de Compostela de Vilagarcía (1944)
As postais tiñan entre os seus obxectivos amosar os atractivos do litoral galego para o nacente turismo. Así era a Praia de Compostela de Vilagarcía en 1944.
-
14A Guarda (1966)
Nalgunhas das postais tamén se percibe o gusto pola folclorización e a xeración de estereotipos sobre Galicia. Non son poucas as imaxes de "grupos típicos" de mulleres galegas, neste caso "pescantinas", vestidas co "traxe rexional".
-
15Santa Trega
A Guarda e Santa Trega están entre os lugares máis reproducidos nas postais dese tempo.
-
16Lalín (1950)
E, para rematar, unha postal que sae do litoral e viaxa á Lalín, en concreto ao aspecto que presentaba a Rúa Colón en 1950.