Unha ducia de carteis das 25 edicións de Viñetas desde o Atlántico

Este domingo remata na Coruña a edición 2022 de Viñetas desde o Atlántico, pechando unha semana na que a cidade herculina se converteu un ano máis nun dos epicentros mundiais da banda deseñada. É a edición número 25, que conmemora a brillante traxectoria deste encontro de autores, autoras e público. Un dos sinais de identidade do Viñetas son os seus carteis, elaborados cada ano por debuxantes de primeiro nivel internacional. Na primeira edición, en 1998, Miguelanxo Prado realizou o deseño e este ano repite, celebrando o aniversario do evento.