David Lombao

Unha ducia de cousas que se fan no nome dos santos

Son días de Semana Santa; fin de semana longa para algunhas persoas, xornadas de devoción para outras. Alén das crenzas de cadaquén, ao longo do ano non son poucas as ocasións nas que os santos levan a culpa ou serven de escusa para as máis diversas actividades. Velaquí van algunhas.

  1. 01

    Comer polbo

    O San Froilán de Lugo é un dos múltiples exemplos nos que un santo serve como escusa perfecta para renderlle tributo ao cefalópodo.

  2. 02

    Comer unllas de porco

    San Lázaro é neste caso o 'culpable' da paparota que cada mes de abril se reproduce no barrio compostelán ao que lle dá nome.

  3. 03

    Saltar cacharelas

    Aínda que o solsticio de verán é algo moito máis antigo que os propios santos, a festa que se celebra na noite do 23 ao 24 de xuño está ligada a San Xoán.

  4. 04

    Compartir responsabilidades políticas

    Dúas veces ao ano, o 25 de xullo e o 30 de decembro, a Casa Real española comparte responsabilidades polítícas co Apóstolo Santiago a través dalgunha autoridade, xeralmente galega.

  5. 05

    Promover incentivos fiscais

    A conmemoración da suposta peregrinación de San Francisco de Asís a Compostela -a historiografía non acredita que se producise- foi declarada acontecemento de especial interese público polo Goberno central a instancias da Xunta, o que implica substanciosos beneficios fiscais para quen patrocine o evento.

  6. 07

    Ofrendas municipais

    Non son poucos os eventos que, ao longo do ano, mesturan municipalismo e santidade, caso por exemplo das ofrendas a San Roque, a quen se lle atribúe librar da peste a varias cidades, como Santiago e Lugo.

  7. 08

    Sacar o exército á rúa

    Ofrendas, procesións e a propia Semana Santa son datas elixidas polas autoridades para sacar os militares á rúa, aínda que a priori armas e santidade non teñan excesivas ligazóns.

  8. 09

    Contratar á Panorama

    Ou á Paris de Noia, ou á Olympus, ou a tantas outras. Exaltación dos santos e orquestras vai da man en innumerables lugares do país.

  9. 10

    Non traballar

    Para ben ou para mal, segundo quen o mire, o certo é que boa parte dos días de festa no almanaque van ligados aos santos.

  10. 11

    Beber de máis

    A romaría de San Fins do Castro, en Bergantiños, é un dos exemplos nos que o santo é o pretexto para o etanol.

  11. 12

    Política

    E con moita intensidade.