Ofrecido por
Unha ducia de espazos para camiñar Pontevedra
A pasada primavera, a Comisión Europea outorgou a Pontevedra o seu Premio de Seguridade Viaria Urbana, un recoñecemento ás boas prácticas de mobilidade sostible. Foi un galardón máis para o modelo urbano da Boa Vila que, hai dúas décadas, se basea en recuperar espazos para camiñar, en detrimento do vehículo privado, con reducións de ata o 75% de coches en diversos puntos da cidade. Son espazos recuperados que saltan á vista, pero que tamén teñen efectos na saúde das persoas e do planeta. Imos de paseo por algúns deles.
-
01A imaxe que virou icona
Esta imaxe da rúa Gutiérrez Mellado virou, posiblemente, nunha das iconas da transformación urbana de Pontevedra. Unha liña de aparcadoiro en batería, outra en liña e unha dobre fila como parte da paisaxe onde agora o que destacan son as palmeiras e, sobre todo, o paso das persoas.
-
02Rúa Michelena
Unha das arterias da zona histórica de Pontevedra, a rúa Michelena, era tamén noutrora zona na que dar voltas á procura de aparcadoiro, cos coches a chegar practicamente ás portas da Peregrina. Dende hai anos, o que abondan son os grupos de veciñanza e visitantes, dende os maiores ata nenas e nenos que van ao colexio a pé.
-
03Praza de Compostela
A vellísima normalidade pontevedresa incluía vehículos amoreados sen excesiva orde na céntrica praza de Compostela. Hai xa case dúas décadas que é punto de encontro da veciñanza e o que destaca nela é a súa fonte.
-
04Praza de Curros Enríquez
Houbo un tempo no que a pontevedresa praza de Curros Enríquez era máis ou menos peonil. Pero o certo é que os vehículos non só podían pasar por ela, senón tamén estacionar. Unha imaxe ben diferente da actual.
-
05
A contorna da Alameda
A contorna da Alameda, das ruínas de San Domingos ou da Praza de España son tamén espazos para o paseo e mesmo para o deporte. Así o amosa o triatleta Javier Gómez Noya nun dos vídeos da campaña Efecto PO2, coa que o consistorio pontevedrés subliña os efectos do seu modelo urbanos no medio ambiente e na saúde.
-
06Praza da Verdura
Mesmo á popular Praza da Verdura chegaban os coches noutrora. Agora non só é lugar habitual de paseo e esparcimento; tamén acolle á Casa das Luces, núcleo dun bo número de actividades sociais e culturais da cidade.
-
07Á beira do Lérez
A conexión co río Lérez e as súas beiras é tamén peza importante do modelo urbano de Pontevedra. Tanto para recuperar espazos para o paseo e o deporte como do punto de vista deportivo e turístico.
-
08Para maiores e rapazada
O modelo urbano pontevedrés tamén procura facilitar o tránsito para maiores e pequenos, a pé ou, se cómpre, sobre rodas ou axudados por un caxato. Na imaxe, a confluencia da rúa da Oliva coa praza da Peregrina.
-
09A Peregrina
A praza da Peregrina, outra das iconas da cidade, é tamén dende hai anos símbolo da recuperación do espazo público para o tránsito peonil en Pontevedra. Boa mostra disto é é esta imaxe.
-
10
"Por rúas e prazas, non por corredores de centros comerciais"
A recuperación de espazos para camiñar Pontevedra ten tamén unha derivada no comercio de proximidade. "A cidade que pasea por rúas e prazas, non por corredores de centros comerciais", resume unha das presentacións do modelo pontevedrés para os foros internacionais.
-
11Marqués de Riestra
Outra das imaxes que adoita sorprender a quen non coñece Pontevedra á destes dous ciclistas que, botándolle valor, pedaleaban no pasado pola rúa marqués de Riestra esquivando vehículos. Agora é ben máis doado pasar en bici sen risco.
-
12... e para non perderse, o Metrominuto
Un dos emblemas do modelo urbano pontevedrés: o Metrominuto orienta a veciñanza e visitantes polos espazos para camiñar a cidade e xa son varias as vilas e cidades que, en Galicia e fóra dela, o adoptaron para impulsar as peonalizacións.