Unha ducia de Galicias futuras e pasadas
A Cidade da Cultura vén de abrir, ata o 9 de xaneiro, a mostra Galicia Futura, a terceira gran exposición planificada para o Xacobeo 21-22, tras Galicia, un relato no mundo e Galicia, de Nós a nós. A partir do pasado, a mostra tenta proxectar o futuro nun “diálogo entre arte e ciencia, entre tecnoloxía e creatividade”. Repasamos unha ducia de elementos da exposición.
-
01Da porcelana ao vehículo autónomo
O mural de Luis Seoane para a fábrica de porcelanas de Magdalena, en Arxentina, e un vehículo autónomo deseñado no Centro Tecnolóxico da Automoción de Galicia (CTAG) reciben conxuntamente ao visitante no Museo de Galicia
-
02O país
Unha reformulación de Vitor Mejuto da Carta xeométrica de Galicia de Fontán dá a benvida á sala principal da mostra
-
03O produto e o deseño
A mostra conta con todo tipo de produtos de empresas galegas que combinan a súa esencia co deseño
-
04Visións do futuro
Maruja Mallo é unha das creadoras con máis obras presentes na mostra, que amosa as súas visións do futuro a partir da realidade galega que presenciaba
-
05Universidade e materiais
Distintos centros de investigación galegos amosan a vertente máis creativa ou artística dos seus traballos, como estas pezas de porcelana impresas en 3D
-
06Paisaxe metafísica
A mostra recompila diversas visións artísticas de Galicia presentes en varias coleccións de arte, como esta 'Paisaxe metafísica', cedida polo Parlamento de Galicia
-
07O téxtil
O téxtil, a medio camiño entre o deseño e as necesidades básicas, é un dos exemplos de creación galega da que se amosa a súa evolución e proxección futura
-
08Campo de figos
A exposición tamén conta con creacións específicas para ela, como esta montaxe na que o visitante se somerxe con cambios de luz e son e coa que Marta Pazos "reflexiona sobre os conceptos de identidade, feminismo e futuro"
-
09Público-privado
A mostra inclúe varios dos proxectos de colaboración público-privada que vén impulsando a Xunta nos últimos anos, como o polo aeronáutico do aeródromo de Rozas
-
10Cadros e videocreacións
A mostra pon en diálogo a arte máis clásica con visión futurista, como este outro cadro de Maruja Mallo, con videocreacións dos últimos anos
-
11Farmacoloxía, xenómica e arte
"Imaxina que o corpo de súpeto che queda pequeno". Un repaso ás principais innovacións galegas en nanofarmacoloxía, xenómina ou neuroimaxe combínase con creacións como este 'Loose Fit' de Ángela de la Cruz.
-
12O territorio
Tamén o territorio e a forma de ocupalo ao longo do tempo teñen sitio na mostra con varias creacións artísticas