Unha ducia de illas galegas nas que perderse
Cíes, Ons, Sálvora e Cortegada son os catro arquipélagos que conforman o Parque Nacional das Illas Atlánticas de Galicia. Pero non son as únicas illas galegas nas que perderse durante este verán. Repasamos unha ducia algo menos visitadas e, nalgún caso, bastante máis inaccesibles.
-
01Illa Pancha
Xunto á costa de Ribadeo, esta illa accesible a través dunha ponte acolle un faro obxecto dun polémico proxecto de hospedaxe.
-
02Illa Coelleira
Esta pequena illa fronte o concello do Vicedo acolleu no seu momento un mosteiro.
-
03Illa de San Vicente
Na ría de Ortigueira, a illa de San Vicente púxose á venta por 4 millóns.
-
04Illas Sisargas
As illas Sisargas, fronte a Malpica, teñen faro desde 1853 e foi un dos últimos en ser automatizado, polo que tiña que ser atendido por fareiros.
-
05Illa Creba
A illa Creba está situada fronte á costa de Muros e é de propiedade privada.
-
06Illa Aguieira
Xunto á praia de Aguieira, en Porto do Son, está esta outra illa privada pero coa súa contorna accesible a pe coa marea baixa.
-
07Illa Guidoiro Areoso
Este illote da ría de Arousa alberga diversos restos arqueolóxicos.
-
08Illa de Bexo
Na desembocadura do río Ulla na ría de Arousa está esta illa, moi próxima ás Torres do Oeste
-
09Illa das esculturas
Outra illa fluvial pero aínda baixo influencia das mareas é esta reconvertida en parque urbano.
-
10Illa de Tambo
A illa de Tambo, na ría de Pontevedra, tivo anteriormente uso militar.
-
11Illa de San Simón
Centro de represión no fondo da ría de Vigo na ditadura, a Xunta deixouna esmorecer como lugar de memoria.
-
12Illas Estelas
As illas Estelas protexen a baía de Baiona e son un espazo protexido para aves.