Unha ducia de imaxes de Man, un ermitán por elección
Quixo a cousa que o CGAC inaugurase unha mostra sobre a obra do alemán de Camelle ao tempo que o coronavirus nos converteu en ermitáns. Repasamos unha ducia de imaxes á espera de que o museo reabra as súas portas.
-
01
Manfred Gnädinger
Manfred Gnädinger naceu en Alemaña en 1936 e morreu en Camelle o 28 de decembro de 2002, mes e medio despois do afundimento do Prestige, co chapapote arrasando a obra da súa vida.
-
02
‘Museo (do hermitán) Man’
O 6 de marzo o CGAC inaugurou unha mostra baixo o título ‘Museo (do hermitán) Man’ na que repasa a obra do alemán, centrada en facer da súa casa un museo na natureza.
-
03
A casa-museo en Camelle
A casa de Man e as creacións que a rodeaban foron deteriorándose con sucesivos temporais.
-
04
Recreación no CGAC
Unha recreación da casa está instalada na entrada do CGAC.
-
05
O interior
Así era o interior da casa nunha imaxe tomada por Man nos anos 70.
-
06
O interior da recreación
E así é o interior da recreación do CGAC.
-
07
A casa-museo nos 70
No exterior, este era o aspecto da casa nos 70 nunha fotografía do propio Man.
-
08
Man nos 70
Neses anos 70, así se presentaba Man nunha fotografía de autor descoñecido reproducida polo CGAC.
-
09
Nos 80
Este era o aspecto das creacións de Man nos 80 nunha imaxe de autor descoñecido.
-
10
Obxectos
A mostra do CGAC recolle diversos obxectos e escritos de Man.
-
11
Autorretrato
Lenzo con autorretrato de Man dos anos 90.
-
12
O novo museo
Ademais de no CGAC, a obra de Man lémbrase no Novo Museo Man de Camelle, aberto en 2015.