Unha ducia de lembranzas de mar e pedra na mostra 'O camiño portugués'
A Cidade da Cultura acolle ata o 17 de abril un proxecto expositivo e editorial que retrata as realidades e paisaxes que conforman o itinerario do Camiño Portugués tecendo un diálogo entre a fotografía do pasado e as olladas do presente. Escollemos unha ducia de imaxes da mostra O camiño portugués, lembranzas de mar e pedra.
-
01
Construción da ponte Luís I
A fotografía máis antiga da exposición, de 1883, é obra de Emílio Biel & Cª, e recolle as obras de construción da emblemática ponte Luís I. A imaxe forma parte do arquivo histórico da Câmara Municipal do Porto.
-
02
Tres persoas no Porto
A mostra amosa tres fotografías de Nicolás Muller durante a súa estancia no Porto en 1939, entre elas esta titulada 'Tres persoas'. Imaxe do Archivo Regional de la Comunidad de Madrid, Colección Ana Muller.
-
03
Póvoa de Varzim
Aurélio da Paz dos Reis é o autor desta imaxe de 1910 con Hilda e Hugo Paz dos Reis con nenas na randeeira da praia de Póvoa de Varzim. Imaxe do Centro Português de Fotografia.
-
04
Viana do Castelo
A mostra pon en diálogo imaxes antigas con outras que non o son tanto, como esta de Viana do Castelo de 2003 de Luis Vioque.
-
05
Vila Franca do Lima
Festa das Rosas en Vila Franca do Lima, Viana do Castelo, en 2016, por Carmenchu Alemán.
-
06
Lanheses
En Lanheses, Viana do Castelo, Roberto de la Torre tirou en 2019 esta imaxe titulada 'Senhor do Cruzeiro e das Necessidades'.
-
07
Praia de Âncora
Mulleres xunto ao mar nunha imaxe de autor non identificado en Praia de Âncora de arredor de 1.900 conservada no Arquivo Municipal de Lisboa
-
08
Serra do Gêres
Sao Joao da Fraga, na serra do Gêres, é o lugar desta imaxe tirada en xuño de 2017 por Luis Borges.
-
09
O Miño
Esta imaxe de homes observando a desembocadura do Miño desde o monte Santa Trega, na Guarda, é de arredor de 1925, de autor descoñecido. Colección Roisin / IEFC.
-
10
A Guarda
A imaxe de Antón Buciños é de 2015, no Monte Torroso, A Guarda.
-
11
Vigo
Unha imaxe de Vigo e as súas praias nos anos 20 e 30. Casa Charles Alberty & Cia (Loty).
-
12
Pontevedra
A mostra inclúe varias imaxes de Otto Wunderlich, como esta na Praza da Leña de Pontevedra de entre 1929 e 1936, propiedade do Instituto do Patrimonio Cultural do Ministerio de Cultura.
-
13
Ecos do Camiño
Peza audiovisual elaborada para a exposición