Unha ducia de murais do festival DesOrdes Creativas
Hai uns días vén de concluír a undécima edición do Desordes Creativas, o Festival Internacional de Arte na Rúa, que dende o ano 2009 vén enchendo os muros de Ordes de creacións de artistas galegos e internacionais, convertendo esta vila nun referente. De Sekone a Sokram ou Liqen, pasando por Erica il Cane, Yoseba MD ou Lidia Cao, repasamos algunhas das mellores obras.
-
01
2009, a primeira edición
Hai xa unha década tivo lugar a primeira edición do DesOrdes, a semente do que viu despois. Aiser, Pake2, Ras, Spen, Alei, Nash, Nakem, Sekone, Nana, Abisal, Sokram, Zonk, foron algúns dos participantes
-
02
Liqen
Ao 2010 corresponden algúns dos primeiros murais icónicos do festival, como este pintado en 2010 por Liqen, situado na Rúa Alfonso Senra nº 66
-
03
Sokram
Laguna, Peri, Roke, Silc & Dr. Toy, Xpen, Mou & Isi participaron na edición 2011, ano que Sokram pintou este "Malas linguas"
-
04
2012
No 2012 Blu, Liqen ou Sokram realizaron algúns dos murais máis lembrados dos últimos anos en Ordes, como este de Erica il Cane (Italia)
-
05
Aproveitando todos os espazos
Ou estoutro, realizado por Sokram, integrante de Mutante Creativo e tamén do colectivo de hip-hop Dios ke te crew
-
06
Quinta edición
O DesOrdes chegou no 2013 á súa quinta edición, na que participaron Escif, Liqen, Nas!, Mr. Thoms, E1000ink, Isaac Cordal, Sokram, Sekone, Nana, Nómada, Mou, Zosen ou Peri. Deixou creacións tan impactantes coma esta de Sekone
-
07
O mellor de aquí e o mellor de fóra
Mural titulado "Birth", pintado en 2014 polo londinense Sr.X, un dos moitos artistas internacionais que nestes anos pasaron por Ordes
-
08
Integrados na paisaxe rururbana de Ordes
Os murais que dende unha década van embelecendo as paredes de Ordes, coma este pintado en 2015 por SPOK, intégranse á perfección na paisaxe da vila
-
09
Homenaxe ás mulleres do rural
Este mural titulado "A greleira de 50 pés", pintado en 2016 por YOSEBA MP e situado na Rúa Alfonso Senra, converteuse nun símbolo de Ordes e en todo un homenaxe ás mulleres do rural
-
10
O 2017
Xoana Almar realizou nas Casillas este mural no ano 2017, unha edición na que tamén participaron Erica il Cane, Bastardilla, Spy ou Saturno
-
11
Fiando a revolución
Este mural titulado "A costureira das Casillas - Fiando a revolución" pintado en 2018 por Lidia Cao (situado en As Casillas, número 44) foi un dos máis celebrados na edición do pasado ano do festival
-
12
E... 2019
E chegamos á edición que vén de rematar, na que Alegría del Prado, Artez, Daniel Muñoz 'San', Leandro Barea ou Twee Muizen (na imaxe) deixaron a súa pegada en Ordes