Praza Pública

Unha ducia de plans a non perder no Arde Lucus 2018

Lugo arrecende a Arde Lucus dende hai semanas. A festa de recreación romana e castrexa chega á súa décimo sétima edición tornada nun aquel de San Froilán de primavera, máis de 300 actividades concentradas en tres días nos que as vestimentas, traxes e representacións elaboradas por asociacións locais durante todo o ano conviven cada ano con milleiros de persoas doutros puntos de Galicia e do Estado

Contido patrocinado

  1. 01

    A apertura das portas da Muralla

    O venres 15 a garda pretoriana é a encargada de inaugurar a festa abrindo simbolicamente as portas da Muralla. A cita, nas portas de San Pedro e Miñá ás 16:00. Na imaxe, as tropas na porta do Bispo Aguirre.

  2. 02

    Entrada das lexións pola ponte romana

    Ás 20:00 do venres 15 as lexións romanas ao mando de Caio Antisio, O Vello, atravesan o Miño pola ponte romana e toman a cidade.

  3. 03

    Rapazada romana e castrexa

    Nos centros de ensino de Lugo trabállase dende hai semanas na historia da cidade a través do Arde Lucus, e iso inclúe vestir para a ocasión. Locerán as súas caracterizacións o domingo a partir das 11 da mañá dende a praza de San Marcos.

  4. 04

    Desfiles das tropas romanas e tribos castrexas

    Un dos momentos máis espectaculares do Arde Lucus é o desfile das tribos romanas e as tribos castrexas. Asociacións culturais de toda a cidade, así como veciñanza e visitantes, únense ao percorrido que comeza ás 20:30 na zona peonil da Ronda da Muralla.

  5. 05

    A música de Gwendal

    Os míticos Gwendal serán este ano a banda sonora do Arde Lucus. Subirán ao escenario da Praza de Santa María o sábado 16 ás 1:30 da madrugada

  6. 07

    A gastronomía

    Entre as novidades do Arde Lucus 2018 están os novos menús oficiais da celebración, servidos en 12 locais de hostalería da cidade. Entre os ingredientes está a pescada de Burela, o polo e sobremesas inspiradas na época romana. Ademais, os tres restaurantes específicos do Arde Lucus concéntranse na praza de Bretaña.

  7. 08

    Os xogos galaicos

    Diversas asociacións lucenses incorporan este ano ao Arde Lucus os xogos galaicos pensados para a rapazada, que se suman ás actividades lúdicas que xa se viñan desenvolvendo en anteriores edicións da festa.

  8. 09

    O circo romano

    Cada ano, unha das estrelas do Arde Lucus é o Circvs. A cita é o sábado ás 18:00 na explanada do Pavillón Municipal dos Deportes, pero cómpre retirar previamente a entrada. 

  9. 10

    Asalto ao Medulio

    O sábado ás 18:20, no campamento do colectivo Trebas Galaicas (cantiño Nemesio Cobreros) os mercenarios galaicos defenderán o monte Medulio dos ataques da garda pretoriana do Imperio Romano

  10. 11

    Novos campamentos

    Os campamentos espallados pola cidade énchense de actividades romanas e castrexas durante os tres días do Arde Lucus. A Castra Lvcs Augusti sitúase este ano no Parque Soralía e as diferentes asociacións distribúense por todo o centro de Lugo segundo a ubicación que detalla o programa.

     

  11. 12

    Espectáculo sorpresa

    A explanada do Pavillón Municipal dos Deportes, escenario do Circvs, acolle o sábado ás 23:55 un espectáculo sorpresa. Para coñecer o que se agocha por tras do nome Divinivm cómpre retirar previamente entradas.