Unha ducia de retratos de Fernández del Riego para o seu ano das Letras

O inspirador do primeiro Día das Letras Galegas será o homenaxeado en 2023 no 60 aniversario desa distinción convertida en festa cidadá. Moito antes de que se coñecese a súa elección, o Concello de Vigo abriu a finais de 2021 unha mostra sobre a colección artística do intelectual e as súas relacións co mundo da arte que agora vén de prorrogar ata 2024, de xeito que seguirá aberta durante todo o ano dedicado á súa figura. Do catálogo desa exposición escollemos unha ducia de retratos de Fernández del Riego elaborados por algunhas das principais sinaturas da arte galega.