Os inquilinos que atrasen o pago do aluguer poderán ser desafiuzado en dez días, segundo a Lei de Medidas para a Flexibilización e Fomento do Mercado de Aluguer, que aprobará este venres o Consello de Ministros
Fálase
Cuac FM realizou esta mañá o depósito de oito mil euros esixido pola Xunta para poder participar no concurso licenzas comerciais. Pide a participación de cidadáns e colectivos sociais na súa campaña de crowdfunding para recadar fondos.
CCOO, CIG e UGT volven concentrarse conxuntamente este venres contra as políticas de austeridade e os recortes de dereitos laborais e sociais. As citas serán en Vigo ás 11:00 horas, fronte á sede da Xunta. En Ferrol, ás 12:30 horas, fronte á sede da Xunta. En Santiago, ás 12:00 horas na Praza de Galicia. En Ourense, ás 12:00 horas fronte á Subdelegación do Goberno. En Pontevedra, ás 11:00 horas diante da Subdelegación do Goberno. Na Coruña ás 12:00 horas na Praza de Ourense. E en Viveiro (Celeiro), ás 11:00 horas fronte á Delegación de Pesca.
Esquerda Unida preguntará no pleno da Coruña por que nos cartaces da feira taurina aparecía o logo do Concello como "patrocinador" do evento cando o Goberno municipal manifestou en multitude de ocasións "que as touradas só se realizaría se foran autofinanciadas".
Hoxe, mañá e o domingo poderá verse dende Galicia a simple vista a Estación Espacial Internacional (ISS), segundo Amazngs.es. Será só durante uns minutos, pois a condición é que ten que ser noite na superficie, pero aínda día na órbita do satélite.
Os directivos dos bancos rescatados con cartos públicos poderán cobrar 500.000 euros (até agora o límite era de 600 mil). No caso das entidades nacionalizadas, nas que o FROB ten a participación maioritaria, o límite seguirá sendo de 300.000.
A intervención (virtual) de Sánchez Gordillo no festival Rototom de Benicàssim colapsa o foro social deste festival de reggae, que tamén contou coa participación de Zygmunt Bauman. O alcalde de Marinaleda non puido desprazarse ao evento, como estaba previsto, e tivo que realizar a súa charla por videoconferencia.
Olga Rodríguez analiza en Eldiario.es o conflito sirio e explica que Siria leva meses intervida por actores rexionais e internacionais. Rodríguez fala da axuda de Francia, EE.UU., Reino Unido, Turquía e Qatar aos rebeldes e do apoio militar e diplomático de Rusia e Irán ao goberno de Assad
Navarra manterá a atención sanitaria ás persoas migrantes en situación irregular, que o vindeiro 1 de septiembre quedarán excluidas do Sistema Nacional de Saúde no resto do Estado. O Goberno Foral garantirá este dereito para os inmigrantes que acrediten un ano de residencia na comunidade e farao a través da actualización dun decreto de 1996.
A Audiencia Nacional obriga o El Corte Inglés a informar a Facenda sobre os gastos dos seus mellores clientes, aqueles que desembolsaron máis de 30 mil euros cada ano. Até o de agora a cadea negárase a revelar os datos sobre os usuarios da súa tarxeta de pagamento.