#YPF O BNG defende na Eurocámara, a través da súa deputada Ana Miranda, "o dereito de Arxentina para decidir sobre os seus recursos enerxéticos en beneficio do interese público dos seus cidadáns".
Fálase
Galicia perdeu 141.000 empregos desde o inicio da crise e a tendencia é continuar "perdendo" postos de traballo. "O futuro é moi negro", asegura un estudo presentado por CCOO-Galicia.
#YPF A Eurocámara pide estudar a suspensión de vantaxes arancelarias a Arxentina pola crise de YPF con España.
O presidente de Grifols, terceiro produtor mundial de hemoderivados, pediulle esta semana ao Goberno que permita o pago por doazóns de plasma sanguíneo; "Grifols podería pagar 60 ou 70 euros por semana", dixo, "que sumado ao paro, é unha forma de vivir". As filtracións de Wikileaks revelaron que a fábrica de Grifols en Barcelona é, para os Estados Unidos, un dos tres puntos estratéxicos no territorio español, e págalles de forma continuada a 150 mil norteamericanos polo seu sangue.
A Mostra Internacional de Teatro de Ribadavia abre o prazo para a recepción de orixinais no Premio Abrente para textos teatrais en lingua galega. O certame, cunha dotación de tres mil euros, recoñeceu en pasadas edicións os traballos de Roberto Salgueiro, Manuel Lourenzo ou Vanesa Sotelo.
CCOO e UGT adiantan as manifestacións do Primeiro de Maio ao domingo 29 de abril. As marchas convócanse tamén para protestar contra a reforma laboral e os continuos recortes do Goberno do PP.
O Ibex anótase a maior caída do ano (-3,99%) e atáscase en mínimos desde marzo de 2009, moi preto de perder a cota dos 7.000 puntos.
Daniel Candal inaugura a súa exposición Auschwitz-Birkenau. Una mirada al pasado. Na libraría Arenas da Coruña, a partir das oito da tarde.
Tres dos cinco concelleiros do BNG no Porriño, Raúl Francés, Francisco Paz Antón e Victoria Cardoso, piden a baixa na organización e renuncian ás súas actas.
O Movemento Galego ao Socialismo celebrará a súa I Asemblea Nacional o vindeiro 12 de maio en Compostela. En rolda de prensa os seus responsables manifestaron o seu "optimismo polas mudanzas existentes na liña política do BNG", pola súa aposta “polo soberanismo, a esquerda consecuente e pola recuperación da acción social” como principais liñas de traballo. Así mesmo, lamentaron a “ceremonia de confusión” pola operación de abandonos e desprestixio, “perfectamente instigada e planificada”.