Google Earth atopa rastros de pirámides na ribeira do Nilo. Unha delas superaría o tamaño da de Giza, segundo conta El País.
Fálase
-
Sanidade obriga a Mercadona a retirar once cosméticos ao mesturar compoñentes que non deberían estar asociados.
O Goberno prorroga a axuda de 400 euros aos parados de longa duración. Vén de anuncialo Mariano Rajoy. Máis información, esta tarde en Praza.
UGT advirte de que eliminar os 400 euros provocará revoltas en España. "A xente non pasará fame mentres os estantes dos supermercados estean cheos", asegura o secretario xeral de UGT-Catalunya.
Stiglitz pide a Europa que aprenda do 'corralito' arxentino e abandone a austeridade. O premio Nobel cre que as políticas da UE agravan a recesión.
O Defensor do Pobo vasco pide a liberdade condicional do secuestrador de Ortega Lara. Máis dun cento de etarras secundan unha folga de fame para pedir a excarceración de Iosu Uribetxebarria, enfermo de cancro.
A débeda da banca española co BCE aumenta un 11,4% en xullo, até o récord de 375.549 millóns de euros.
Extinguido o incendio do Barco logo de queimar 1.600 hectáreas, segundo informa a Consellería de Medio Rural. Nos vindeiros días coñecerase a cifra definitiva de superficie afectada.
Os prezos baxan cinco décimas en xullo en Galicia. A taxa interanual sitúase no 2%.
Un antiabortista será o encargado de redactar o fallo do Constitucional sobre a lei do aborto, segundo conta El País. Andrés Ollero é membro do Opus Dei e ex deputado do PP.