PSA creará unha quenda de tarde e contratará 600 traballadores e 2018 para o lanzamento das súas novas furgonetas.
Fálase
A Garda Civil pecha a web do referendo da Generalitat e Puigdemont difunde outra aos poucos minutos. Sectores da política e da xudicatura, alarmados ante a ameaza de detención para 712 alcaldes.
O Supremo non admite o recurso do Concello da Coruña para evitar o derrubamento do edificio Conde de Fenosa. O goberno local lamenta que “a lousa que supón a xestión urbanística irregular do pasado comprometa a solvencia do patrimonio municipal”.
O PSdeG denuncia que os trens AVE que cheguen da Meseta non poderán pasar da estación de Ourense. Os socialistas salientan que os planos da remodelación da estación evidencian que as vías de ancho internacional polas que circula a alta velocidade rematan alí e só os trens con ancho ibérico poderán continuar cara o resto de Galicia.
A Fiscalía ameaza con deter os alcaldes que non colaboren para frear o referendo. Ordena interrogar os 712 rexedores dispostos a facilitar a consulta e detelos se non comparecen. A CUP xa anuncia que os seus alcaldes non acudirán a declarar.
A xustiza confirma a obriga de demoler o edificio Conde de Fenosa, na Coruña, adianta Radio Coruña-Cadena Ser. A sentenza do Tribunal Supremo impón devolver o inmoble ao seu estado anterior ás obras realizadas en 1997, baixo o Goberno de Francisco Vázquez e cun ditame xudicial previo na súa contra.
O PSOE denuncia que Baltar gastou 42.000 euros en pulseiras, pins e toallas. Acusa a Deputación de Ourense de dar contratos a un mesmo empresario para facer propaganda da marca Ourensanía.
O número dous de ERC negocia con Ada Colau como abrir os colexios en Barcelona o 1-O. O Concello quere que a Generalitat ceda os seus propios locais, xa que son a maioría dos colexios que se usan nas eleccións. A intervención da autonomía, principal opción do Goberno central para frear o referendo.
Falece Xohana Torres, unha das voces máis importantes da literatura galega contemporánea da posguerra, cuxa obra abrangue a poesía, a narrativa, o ensaio e a literatura infantil.
Un xuíz suspende o acto a favor do dereito a decidir previsto para este domingo en Madrid. O PP presentara un recurso contra este evento e o maxistrado argumenta que o encontro ía promover un referendo declarado ilegal polo Tribunal Constitucional