Os PAS abandonan o peche que mantiñan no edificio da Balconada da USC "logo de que o reitor aceptase comezar as negociacións o próximo martes". O colectivo protestaba contra o recorte no financiamento das universidades galegas. O mércores teñen convocada unha asemblea de traballadores a primeira hora.
Fálase
A revista de Emirates Airline define Galicia como "a terra natal do Generalísimo Francisco Franco de onde todos queren marchar", tal e como se está a denunciar en diversas redes sociais. A frase provén dunha reportaxe anterior de The NY Times. Imaxe de @Avilafranca_
Empresas e autónomos poderán operar en todo o Estado cunha única licenza. O Consello de Ministros aproba o anteproxecto de lei de unidade de mercado.
Desaparece o derradeiro diario impreso en lingua galega. De Luns a Venres, editado polo grupo El Progreso, pasa a ser semanal, no marco dun paquete de medidas do grupo empresarial que inclúe despedimentos.
Finaliza o peche na Facultade de Historia de Santiago. O estudantado decidiu en asemblea aberta rematar co peche que comezara o pasado xoves 16 de Xaneiro en protesta pola falta de prazas para o estudo nas bibliotecas e contra a "penosa situación" da Universidade.
Afectados polas preferentes irrompen no pleno da Deputación da Coruña e protestan tamén na de Pontevedra.
A Xunta coloca toda a débeda autorizada e desbota recorrer ao Fondo de Liquidez. Cóntao Europa Press.
A sentenza do caso Pallerols confirma que Unió se financiou irregularmente. O partido de Duran i Lleida ingresou 200.000 euros das academias do empresario andorrano, tal e como confirma o ditame que adianta a Cadena Ser.
La Región repasa os doce concelleiros do PP galego que abandonaron as súas responsabilidades nos últimos días
O FROB quedará co 100% do Banco Gallego e buscará un comprador. Como accionista único de NCG, participará na ampliación de capital da entidade, segundo conta Economía Digital.