#consellodaxunta Feijóo asegura que de agora en diante a Xunta ofrecerá unha prestación "persoalizada" a cada persoa dependente ou con discapacidade. A carteira de servizos amplíase a persoas menores de 65 anos.
Fálase
Artur Mas anuncia eleccións plebiscitarias en 2016 se o Goberno central impide a consulta soberanista en 2014. "Se non hai máis remedio, farémolo cunhas eleccións", di o presidente da Generalitat.
Hoxe comeza o curso nas escolas infantís da Xunta. As familias téñenlle que facer fronte á suba das tarifas ao mesmo ritmo que o IPC malia á caída de soldos. Só teñen escola de balde as nenas e nenos en cuxa casa non entren máis de 159 euros ao mes.
Unha entidade relixiosa sobe un 70% as tarifas dunha antiga gardaría de Caixa Galicia en Monforte. Cóntao El País.
Compostela e Celta empataron (0-0) nun emotivo partido homenaxe ás vítimas do accidente de tren en Agrois e os cidadáns que axudaron tras o sinistro. Imaxe de @Xoan_Xose.
Economistas Frente a la Crisis repasan a evolución do discurso oficial dos cumios do G20 dende a caída de Lehman Brothers, hai hoxe cinco anos, que evolucionou dende a asunción dalgúns elementos keynesiáns de impulso económico até a identificación total coa doutrina da austeridade expansiva.
O Diario Oficial de Galicia recolle a orde pola que se incoa a delimitación do Camiño de Santiago do Norte, ruta da costa. Até agora, o Camiño Norte converxía co francés en Arzúa, pero na proposta da Xunta as dúas rutas pasarían a encontrarse en Compostela, nas proximidades de Lavacolla.
O Comité de Coordinación Aeroportuaria de Galicia reúnese este xoves en Compostela. Segundo Faro de Vigo, Aena propón concentrar as rutas domésticas en Vigo e A Coruña, e en Lavacolla as internacionais
Un incendio obrigou a desaloxar a aldea de Barbudo, en Ponte Caldelas. O lume comezou pola noite e queimou rapidamente máis de 50 hectáreas. Cortáronse estradas e todos os veciños saíron á rúa para defender as súas casas.
A primeira asociación de vítimas no accidente ferroviario de Santiago preséntase como acusación particular. Algúns feridos e familiares recibiron "cartas" cos custes da asistencia sanitaria, que cobren os distintos seguros