O PSdeG alerta no Parlamento de que "prescindir dos meteorólogos" na TVG "merma a calidade do servizo" e "non pode atribuírse a unha cuestión de aforro"
Fálase
Fitch vén de rebaixar a nota de solvencia a Grecia, que pasa do C ao CCC. Esta nova cualificación outórgase cando xa se deron pasos firmes para desbloquear o rescate grego e a perda de soberanía do país, que verá controladas as súas finanzas e contas públicas pola troika.
O portavoz nacional do BNG, Guillerme Vázquez, reúnese este xoves co secretario xeral da CIG, Suso Seixo, vén de informar a formación nacionalista. No encontro abordarán a convocatoria de folga xeral que xa anunciou a CIG para o 29 de marzo. O BNG xa apoiou a central sindical cando tamén chamou a un paro xeral á cidadanía galega en xaneiro do ano pasado.
O índice de actividade industrial da eurozona volveu caer durante o que levamos de mes de marzo, ata situarse nos 49,7 puntos. Estar por debaixo dos 50 puntos implica que hai caída da actividade e recesión económica. Información da que tamén se fai eco o Wall Street Journal
PSA Peugeot confirma que está negociando con General Motors. A firma francesa, que conta cunha factoría en Vigo, tivo uns malos resultados en 2011 o que provocou unha gran caída do seu valor na Bolsa. As conversas con GM son, polo de agora, preliminares. Cóntao Le Monde
O Executivo permitirá a dación en pagamento ás familias con todos os seus membros activos en situación de desemprego. Anunciouno o ministro Luis de Guindos e o recolle Europa Press
O BNG propón que os propios veciños do Irixo expliquen ante o Parlamento europeo a súa oposición á incineradora.
O ministro de Educación, José Ignacio Wert, acusa o PSOE no Congreso de "poñerse ao lado das protestas violentas" ao preguntarlle Leire Pajín polos incidentes de Valencia
Falecen dous xornalistas na cidade siria de Homs. Trátase de Marie Colvin e Remi Ochlik, de nacionalidade norteamericana e francesa, respectivamente. Cóntao nun urxente Le Monde
O diario Público traza un perfil do xefe policial que ordenou as cargas de Valencia. Sinala que non é a primeira protesta que reprime con dureza.