A xuíza da Pokémon pide revisar os ordenadores de dous técnicos do Concello da Coruña. Doce persoas, entre concelleiros e técnicos municipais, foron xa imputadas na operación que dirixe a maxistrada De Lara.
Fálase
O expresidente de Sacyr vendeu 11 millóns de euros en accións da compañía o 23 de decembro, días antes de anunciar a paralización das obras da Canle de Panamá
Menos dun terzo dos votantes do PP quere recortar o dereito ao aborto, segundo unha enquisa que publica El Mundo. Nos restantes partidos o apoio á actual lei é case unánime, o mesmo que entre a poboación menor de 65 anos, onde só o 10% defende a reforma de Gallardón.
O economista David Peón destaca no seu blog que "España (por fin) crea emprego" e sinala que, despois de meses de cifras do paro maquilladas pola emigración ou a desmotivación, no último cuatrimestre de 2013 a caída do paro debeuse fundamentalmente ao incremento da contratación (28.000 afiliados máis ao mes)
O Supremo Tribunal de Justiça portugués libera bares e restaurantes do pagamento de dereitos de autor por teren a televisión ou a radio acesas. A sentenza, que vai ser recorrida ante a xustiza europea pola Sociedade Portuguesa de Autores, parte do cobro a un bar de Felgueiras, hai oito anos, dunha taxa pola emisión dun vídeo de Madonna.
O paro baixou en decembro en España en 107.570 persoas, como xa fóra filtrado na tarde de onte, e no que supón o meirande descenso neste mes dende 1997. A afiliación á seguridade social creceu en 64 mil persoas. Pola contra, en Galicia o desemprego creceu en 209 persoas e as afiliacións caeron en case 13 mil persoas.
Convocan unha sentada fronte ao Concello de Vigo para pedirlle ao Goberno Municipal que cumpra o seu compromiso de "non consentir nin un só desafiuzamento na cidade”. Protestan pola situación de Analía Méndez e as súas dúas fillas menores de idade, que este 31 de decembro perderon a súa vivenda.
Fomento dálle luz verde ao trazado sur do tren ao porto exterior de Ferrol. Esta solución fronte a outras (a alternativa norte) é criticada por colectivos e entidades de toda a comarca polos prexuízos que podería provocar para a actividade marisqueira e o medio ambiente na zona da Malata.
O BNG pregunta no Parlamento polo estado da colección de Álvaro Gil, se a Xunta falou coa familia, se sabe onde está a colección e se está sometida ao control da Dirección Xeral de Patrimonio, como marca a lei
O presidente de Panamá viaxará a España para esixirlle a Rajoy que Sacyr cumpra o seu contrato e non engada sobrecustes ao prezo previsto das obras de ampliación da Canle. Sacyr contabilizou os sobrecustes como ingresos