Fálase

Rajoy comparece por primeira vez en tres anos na sede do PP para valorar ante a prensa os resultados das eleccións. Pódese seguir ao vivo en eldiario.es

Co 100% escrutado, a Marea Atlántica é a lista máis votada na Coruña con 4 votos de diferenza sobre o PP, que impugnara varias mesas. 

O PP só conserva a Deputación de Ourense e o PSdeG podería presidir, ademais da de Lugo, as da Coruña e Pontevedra. A información, hoxe en Praza.

A esquerda podería gobernar en Ferrol. Rey Varela perde a maioría absoluta co 74,5% escrutado. Ferrol en Común podería liderar o goberno da cidade departamental. 

Empate técnico entre Compostela Aberta e o PP en Santiago co 43% escrutado. A plataforma cidadá podería gobernar a capital galega. 

A Marea Atlántica sería a forza máis votada na Coruña con máis do 68% do voto escrutado. Obtería 10 concelleiros e superaría o PP, que perdería 4 concelleiros. O PSdeG conseguiría 6 e o BNG, 1. 

O Breogán gaña ao COB e empata a eliminatoria de ascenso á ACB (1-1). Venceu 68-77 e a serie viaxa agora a Lugo, onde o equipo celeste podería sentenciar o ascenso de gañar os dous encontros. O Obradoiro despediu a tempada cunha derrota ante o Baskonia. 

O PP perdería a maioría absoluta na Coruña segundo unha enquisa de Sondaxe para V Televisión. Quedaría con 11 concelleiros, fronte aos 8 da Marea Atlántica, os 5 do PSdeG e os 2 do BNG. En Lugo, serían 11 concelleiros para o PP, 10 para o PSOE, 2 para Lugonovo, 1 ao BNG e 1 a Ciudadanos. En Ferrol, o PP obtería a maioría absoluta. 

Manuel Antelo, candidato do BNG á alcaldía de Vimianzo e actual rexedor da localidade, denuncia o "carrexo" de "xente vulnerable socialmente" por parte de Independentes por Vimianzo (IxV). Antelo deixou constancia do feito ante a Garda Civil e cualificou de "vergonza" o sucedido.

Derrotas para os equipos galegos no play-off de ascenso á Segunda B. O Pontevedra caeu ante o Mensajero (1-0) e o Depor B perdeu en Durango (2-1). A vindeira fin de semana xogarase o partido de volta. Esta tarde enfróntase o Cerceda ante o Logroñés e o Choco ante o Extremadura.