O conselleiro delegado de Povisa, José Bernardo Silveira, saíu escoltado dos xulgados de Vigo, onde acudiu a declarar pola demanda de CC.OO. que denuncia a imposición do convenio provincial por parte da empresa. Silveira foi apupado por ao redor de 200 traballadoras e traballadores.
O lume iniciado onte pola tarde en Oia afecta xa a O Rosal e Tomiño e achégase á Guarda. A Xunta confirma que xa se queimaron ao redor de 1.500 hectáreas, pero o alcalde de Oia eleva a cifra a máis de 2.000.
Os xefes militares de dez países, entre eles o estadounidense Martin Dempsey, seguen reunidos en Xordania para debater a posibilidade dunha intervención armada en Siria. Rusia ou Irán alertaron nas últimas horas das "serias consecuencias" dunha acción militar foránea no país.
A Deputación Permanente do Congreso deberá decidir este martes pola tarde se adianta a esixencia de responsabilidades a Mariano Rajoy sobre o 'caso Bárcenas' e se debate xa a creación dunha comisión de investigación sobre a contabilidade do PP, así como as comparecencias de Soraya Sáenz de Santamaría e once ministros.
Esta mañá terá lugar o primeiro dos xuízos contra Povisa pola imposición do convenio provincial. A sesión está prevista para as 10.45 horas no Xulgado do Social número 5 de Vigo.
El Diario analiza a paralización dos proxectos de instalación de parques eólicos mariños en España, con ducias de proxectos bloqueados e un escaso interese polo seu desenvolvemento por parte do Goberno central.
O novo director xeral do Corte Inglés, Dimas Rodrigo Gimeno Álvarez, foi candidato da Falange Española Independiente en tres eleccións, as xerales de 1996 e 2000 e as catalás de 1999. Recólleo eldiario.es
Bilbao gasta 50.000 euros ao ano para que os seus concelleiros vaian aos touros. EH Bildu, que renunciou á prebenda, critica este gasto.
O lume iniciado en Oia na tarde de onte leva queimadas xa máis de mil hectáreas e permanece fóra de control. As lapas, que afectan ás parroquias de Lourenza e Burgueira, obrigaron xa a desaloxar 176 persoas das súas casas.
O PSOE confirma que o actual presidente da Junta de Andalucía, José Antonio Griñán, irá ao Senado tras ser relevado na Presidencia por Susana Díaz. En El Diario