Lucasfilm lanza unha votación mundial para escoller o personaxe favorito de Star Wars. Entre o 18 de marzo e o 9 de abril as votacións dos internautas escollerán un personaxe entre os 32 propostos que se enfrontarán en eliminatorias directas até chegar a unha final. Han Solo vs Darth Vader?
O PSOE acepta as primarias aprobada polo Comité Nacional do PSdeG para escoller un novo líder, segundo infoLibre. Pero Ferraz quere cerciorarse de que non haxa un choque de lexitimidades entre un secretario xeral elixido polas bases e outro designado no congreso
Guerra aberta entre Sousa e Carceller polo control de Pescanova. Fernández Sousa acusa a Carceller e Luxempar de mentir e explica que non hai convocado ningún consello de administración para a semana que vén.
A prensa da Coruña e Vigo leva ás súas portadas o desenlace do derbi de forma moi distinta. La Voz de Galicia afirma que "El Dépor recupera la esperanza" e La Opinión "El Dépor toma aire". Mentres, Faro de Vigo destaca que "Aspas pierde la cabeza y arruina al Celta" e o Atlántico que "El Celta pierde y se acerca a Segunda·
A UE pechou esta noite o acordo para rescatar a Chipre, pero impúxolles unha taxa aos aforradores que leva ás autoridades a decretar un corralito parcial. Todas as contas da illa quedarán suxeitas a unha taxa do 9,99% para os que superen os 100.000 euros, e do 6,75% para o resto.
O Parlamento aprobou por unanimidade unha iniciativa que reclama que non se lles aplique a quita aos afectados por preferentes. Mentres, en Pontevedra Rafael Louzán reuniuse con representantes de sete plataformas de afectados. Despois de hora e media a gran maioría das plataformas abandonaron a sala no medio dun gran enfado. Louzán cualificounos de "manipuladores e axitadores".
O prezo da vivenda caeu un 13,7 % en 2012 con respecto ao ano anterior, e encadena cinco anos consecutivos de descensos
Izquierda Unida iniciará unha campaña de mobilización para pedir a dimisión do Goberno e a convocatoria de eleccións.
O xuiz Ruz esixelle ao PP todas as operacións en efectivo dos últimos 15 anos. O maxistrado tamén chama a declarar como imputados a Bárcenas e Lapuerta
O Goberno concédelle un indulto parcial a David Reboredo. A medida consiste en substituir unha das dúas penas de tres anos e medio de prisión por multa de dous anos a razón de dous euros ao día. Máis información, esta tarde en Praza.
