O PP faise coa alcaldía de Pontecesures, ata agora do BNG, grazas a unha moción de censura, a primeira dende que Alfonso Rueda dirixe o PP de Pontevedra. O novo alcalde, Juan Manuel Seage, tomou posesión entre apupos e co apoio de Terra Galega e mais dun grupo independente.
Rajoy lanza a súa campaña cun vídeo no que alerta da "alternativa extremista". Presume dende La Moncloa de que o PP aposta pola "concordia" e unha "España moderada".
González Formoso non se presentará ás primarias do PSdeG. O presidente da Deputación da Coruña veno de confirmar nunha entrevista en RadioVoz.
O Real Madrid prohibe a un futbolista responder en catalán a unha pregunta. Kiko Casilla non puido responder a unha cuestión dun medio catalán tras o partido de onte contra o Valencia.
Un equipo da Universidade de Vigo reconstrúe como eran as Cíes hai 3.000 anos. A Lagoa dos Nenos era unha marisma con dunas cando o nivel do mar era moito máis baixo que hoxe.
Noite de protestas en Grecia logo dunha nova vaga de recortes. O número de manifestantes cae nunha nova mobilización contra a austeridade. O Parlamento aproba recortes en pensións e aumentos en impostos directos e indirectos.
Felipe González apoiou cun vídeo o 'broker' iraní dos papeis de Panamá. O ex presidente gravou unha peza na que defendía a Massoud Zandi ante investidores e dirixentes internacionais.
Temor na conserva galega pola alianza do dono de Albo e o xigante Tri Marine. Repártense o accionariado dunha factoría para o procesado de atún na China.
Pedro Sánchez é xa oficialmente candidato outra volta á Presidencia do Goberno de España polo PSOE. Xuntou 36.021 avais e os outros dous precandidatos, militantes de base, non chegaron á cifra mínima, polo que xa non haberá votación.
O Celta festexa o seu regreso á competición europea cunha vitoria por 1-0 ante o Málaga en Balaídos.
