Fálase

As duras referencias a Venezuela e Siria marcan o debate entre Iglesias e Rivera en laSexta, máis tenso que o que mantiveran os líderes de Podemos e Ciudadanos na mesma canle antes das eleccións do 20-D

Máis de 24.000 persoas votaron xa nas consultas pola independencia organizadas en 34 concellos de Euskadi. Gure Esku Dago organiza estes referendos en varias localidades vascas.  

Alberto Garzón, elixido líder de IU, defende a identidade da súa formación pero tamén a necesidade dun acordo con Podemos. O novo coordinador federal de IU chama a "parar o fascismo e o seu pai, o capitalismo neoliberal". 

Yolanda Díaz cre que sería "unha tolemia" non ir en confluencia ás autonómicas. A coordinadora de EU non entendería que as organizacións de En Marea non acudisen unidas aos comicios galegos. Díxoo nunha entrevista en RNE. 

Tellado destaca a "sensibilidade polo medio ambiente" do PPdeG. O BNG reclama un plan de "rexeneración integral" das rías galegas. 

As Mareas en Común celebran hoxe en Pontevedra unha nova xuntanza na que se debaten sete propostas para a confluencia de cara ás autonómicas. 

Unidos Podemos supera o PSOE en votos e escanos, segundo unha enquisa para El Mundo. Alcanzaría o 23,7% dos votos, fronte ao 20,3% dos socialistas. Ciudadanos mantería resultados e o PP subiría un chisco. 

Case 12.000 galegos aprazan a súa xubilación para seguir traballando despois dos 65 anos. O 60% son autónomos que cotizaron o mínimo e teñen unha pensión baixa. 

Un xuíz investiga un mitin de Rajoy nas Canarias pagado por un construtor. Teríaselle feito un concurso a medida a unha empresa para que organizase o acto do PP e dous concertos. 

Unidos Podemos consolida a súa vantaxe sobre o PSOE, segundo unha enquisa para El País. O PP manteríase na primeira posición favorecido polo aumento da abstención.