As débedas dos estudantes universitarios nos Estados Unidos achégase ao billón de dólares e crece un 300% na última década. Esta débeda está xerada polos préstamos que pediron para poder pagar as súas carreiras e agrávase porque case un 40% dos universitarios norteamericanos egresados nos últimos anos conseguiron traballos para os que non era preciso ningún tipo de formación academica.
Amal, o Festival de Cine de Ourense, o de Cine Fantástico e de Ciencia Ficción da Coruña e o Culturgal tamén quedan sen a subvención do Ministerio de Cultura, ao igual que hai unha semanas sabiamos que Cans, os premios Mestre Mateo ou o Curtocircuito tamén ficaran sen estas axudas. Unicamente Cineuropa e Play Doc recibirán cartos do MEC, uns 15.000 entre as dúas citas, lonxe dos 76.000 que levaron o pasado ano os festivais galegos.
O goberno sirio desconectou o pais de Internet ao longo do xoves e tamén suprimiu as conexións de telefonia móbil. As autoridades sirias negan a súa responsabilidade e acusan a grupos da oposición de ser os culpables da caida do servizo.
The New York Times designa un community manager para que controle a súa correspondente en Xerusalén. Nos últimos meses Jodi Rudoren provocou a polémica polas súas mensaxes denigrantes contra os palestinos nas redes sociais.
O DOG dá conta este venres do Real Decreto que recolle o nomeamento de Alberto Núñez Feijóo como presidente da Xunta
Hoxe é xulgado o presidente d'A Mesa pola Normalización Lingüística, Carlos Callón, por reprocharlle a un xuíz o uso da "ilegalidade" do topónimo La Coruña
Colapso para regularizar diñeiro negro nas últimas horas da amnistia fiscal, que finaliza este venres. A oferta do Goberno de Rajoy permite legalizar estes cartos cunha taxa de só un 10% e sen obrigar a que regrese a España no caso de que se atope en contas no estranxeiro.
O IPC sitúase en novembre no 2,9% interanual, baixando dende o 3,5% do mes anterior. Este indicador é o que se utiliza como referencia para actualizar as pensións, ainda que o Goberno non confirmou que vaia subir a súa contia en función da inflación. A pensión media creceria en 18 euros.
Este venres celébranse en Compostela as VII Xornadas anuais da cooperación: 15 anos comprometéndonos coa solidariedade. Expertas e expertos de Galicia e internacionais compartirán mesa para analizar a cooperación municipalista no mundo e a situación do sistema galego de cooperación diante da crise
O Celta clasificouse para a seguinte rolda da Copa do Rei despois de igualar Lago a eliminatoria contra o Almeria no desconto e de que De Lucas marcase o 3-0 definitivo na prórroga. En oitavos de final enfrontarase ao Real Madrid. O Dépor empatou 0-0 en Mallorca e quedou eliminado.
