O Ministerio advirte do risco de seguridade pola proximidade da planta ao Arsenal, un temor que o PP estatal xa difundira para deitar dúbidas sobre a chegada de SAIC, como adiantou Praza.gal. O presidente da Xunta considera "difícil de entender" a advertencia cando "en ningún momento" da negociación conxunta entre executivos central e autonómico e a empresa chinesa se alertou deses perigos. 

A Xunta escenifica a remuda nas súas principais apostas político-industriais, da mochila da celulosa portuguesa ao desembarco da automobilística chinesa, cuxa chegada ten altas doses de aposta xeopolítica en coordinación co Goberno de España. E se Feijóo chega a pisar La Moncloa? Ese é un dos temores do movemento contra o proxecto e tamén un escenario que causa escasísimo entusiasmo nos directivos chineses aos que Rueda vén de abrir as portas de Monte Pío

Nun acto solemne de recepción oficial, o vicepresidente da multinacional chinesa promete un futuro de "prosperidade" e unha "filosofía de desenvolvemento local" para contar con empresas e persoal galego no seu proxecto industrial en Ferrolterra. 

A factoría, que podería montar uns 120.000 turismos cada ano, realizará a "ensamblaxe completa" dos coches, con compoñentes que chegarán ao Porto Exterior, dende onde se distribuirán a toda Europa os vehículos rematados. Cando a planta estea en marcha, prevese crear mil postos de traballo directos e outros mil de tipo indirecto. A empresa destaca que o proxecto representa "unha aposta estratéxica polo desenvolvemento de capacidades industriais no sector da automoción en Galicia