A factoría, que podería montar uns 120.000 turismos cada ano, realizará a "ensamblaxe completa" dos coches, con compoñentes que chegarán ao Porto Exterior, dende onde se distribuirán a toda Europa os vehículos rematados. Cando a planta estea en marcha, prevese crear mil postos de traballo directos e outros mil de tipo indirecto. A empresa destaca que o proxecto representa "unha aposta estratéxica polo desenvolvemento de capacidades industriais no sector da automoción en Galicia

O grupo chinés intensifica os contactos empresariais e institucionais e deixa clara a necesidade de respectar o calendario marcado para o seu proxecto en Ferrol e As Pontes. A multinacional amosa a súa inquedanza ante unha posible chegada ao poder de Feijóo e do PP, máis reticentes ao investimento chinés, en contraste co entusiasmo amosado pola Xunta e coa política de colaboración mutua impulsada por Sánchez.

O galego, investigador principal do Real Instituto Elcano en economía política internacional e experto nas relacións UE-China, afonda na chegada do grupo automobilístico a Ferrol e analiza o contexto económico global e as oportunidades que supón o investimento chinés en Europa. 

As políticas e a normativa comunitaria que priorizan a produción europea marcarán a achega das empresas galegas á fabricación de vehículos en Ferrol e nas Pontes, área propicia para ser beneficiada por Bruxelas con investimentos en enerxía verde e renovable.