Comezan no Estado as manifestacións contra os recortes do Goberno. As rúas de Bilbao xa están ateigadas de xente. Imaxe de @joseanprado
![](https://praza.gal/media/cache/live_image/xornal/uploads/falase/foto/500837da5d1ad-aylpbqgciaamvf1.jpg)
Comezan no Estado as manifestacións contra os recortes do Goberno. As rúas de Bilbao xa están ateigadas de xente. Imaxe de @joseanprado
O Boletín Oficial do Estado publica hoxe dúas páxinas con correccións de erros no decreto de recortes, que hoxe mesmo foi aprobado no Congreso. Entre os cambios introducidos, destaca que a tesoirada ás baixas por enfermidade do persoal público pasa de temporal a permanente.
Unha planta do hospital Meixoeiro de Vigo, pechada por aspergillus. Cóntao El País.
Alemaña aproba o rescate á banca española con ampla maioría. (473 votos a favor, 97 en contra e 13 abstencións).
Os mercados non dan tregua. A prima de risco pecha en 580 puntos, o bono no 7% e o Ibex con subas do 0,6% o día no que o Congreso validou os duros recorteso do Goberno.
O PP gábase en Twitter de que Feijóo cobra "menos que Pachi Vázquez cando era conselleiro"
A Xunta celebra mañá un Consello extraordinario para aprobar a aplicación en Galicia dos recortes aos empregados públicos. Ao contrario do que é habitual, tras esa xuntanza non haberá unha comparecencia de Alberto Núñez Feijóo ante a prensa.
O Congreso acaba de aprobar o último paquete de recortes do Goberno co único apoio do PP. 180 votos a favor, 131 en contra e unha abstención. Os deputados de Amaiur, ERC, BNG e Izquierda Plural marcharon do hemiciclo durante a votación. Máis información, esta tarde en Praza.
As concentracións de persoal público desta mañá producíronse tamén na sede da CRTVG, que protestaron "contra os recortes aprobados polo Goberno e en solidariedade cos traballadores e traballadoras afectados por un ERE" na televisión valenciana.
A voceira do BNG no Parlamento, Ana Pontón, esixe a retirada da campaña na que a Consellería de Industria gastará un millón de euros para apostar polo "emprendemento" e o "optimismo" ante a crise.