Mariano Rajoy estará hoxe no Porto, no cumio ibérico no que se reunirá con Pedro Passos Coelho, xefe do Goberno portugués. Na xuntanza participarán ademais sete ministros de cada país. A crise ou o transporte por ferrocarril centrarán as conversas.
Fálase
Os traballadores de Navantia en Ferrol acusan o Partido Popular de darlles as costas. Dende setembro case mil traballadores quedaron sen emprego
The New York Times xa ten máis subscritores na súa edición dixital que na impresa
Carolina do Norte aproba en referendo unha emenda á Constitución para prohibir explicitamente o matrimonio entre persoas do mesmo sexo. É o trixésimo estado dos Estados Unidos que o fai.
"O que hai que facer con Bankia é nacionalizala", dille Alberto Garzón (IU) a Rajoy
Está sendo moi criticada a portada de La Razón de hoxe, na que baixo o título Los malos estudiantes agitan la educación, bota man de datos persoais dalgúns líderes estudantís para desacreditar as súas protestas.
"Hoxe comeza unha nova SGAE". Antón Reixa promete "renovación" e "non volver atrás" nas súas primeiras declaracións como presidente da sociedade de autores.
SOS Racismo denuncia a campaña do PP Primero, los de Bilbao. O Partido Popular repartiu 50 mil follas informativas pedindo que se prime aos nacidos na cidade fronte ás persoas migrantes na adxudicación de vivendas.
O presidente do Tribunal Supremo, denunciado por malversación de fondos. Un vogal do Poder Xudicial acusa a Carlos Dívar de gastar 5.658 euros de cartos públicos en viaxes privadas de fins de semana a hoteis de luxo
Fútbol. O Celta non dá marcado en Cartaxena e empata o partido que tiña aprazado (1-1). Con este resultado, o equipo vigués segue terceiro na táboa, a dous puntos do Valladolid e a sete do Deportivo.